Benvidos

Benvidos á páxina web do CEIP Plurilingüe Ría do Burgo

 

CAMBIO NOS NÚMEROS DE TELÉFONO DO CENTRO. Desde o luns, 6 de maio de 2019, o centro pasa a formar parte da rede telefónica da Xunta de Galicia. Por tanto, haberá modificación nos teléfonos do centro.

TELÉFONO PRINCIPAL.

Administración: 881961083 (para avisos, comedor, información, etc)

 

LIÑAS DIRECTAS.

Dirección: 881961081

Xefatura: 881961084

Secretaría: 881961082

Conserxería: 881961080

Departamento de Orientación: 881961085

ANPA La Laguna: 881961087

 

FONDO SOLIDARIO DE LIBROS DE TEXTO (3º, 4º, 5º e 6º de E. Primaria). Nos enlaces que aparecen a continuación sae a LISTAXE DEFINITIVA DE ADMITIDOS E EXCLUÍDOS do fondo de libros de texto.

MOI IMPORTANTE.

  • As familias adxudicatarias de libros de texto poderán recollelos no colexio (nas aulas) os días 4 e 5 de setembro (mércores e xoves) en horario de 9:30 a 11:30 horas.
  • O código ISBN das listaxes de libros adxudicados non corresponde cos da listaxe de material que o colexio publicou. O ISBN válido é o que publicou o colexio (o que aparece na listaxe definitiva de admitidos corresponde ao código que se adxudicou hai anos).
  • Que a un alumno/a lle correspondan 6 libros non indica que llos vaian a dar, xa que hai cursos nos que só hai cinco libros de texto na listaxe.
  • O libro de inglés que se adxudica é o Class Book ou Pupil's Book. Nunca se adxudica o Activity Book (este libro sempre teñen que mercalo as familias). O mesmo sucede cos libros de lectura en calquera idioma, que non entran no fondo de libros e son as familias os que os mercan.
  • En 3º de Educación Primaria aparecen xuntos os libros de Ciencias Sociais e de Ciencias Naturais, pero son dous libros independentes.
  • En 5º de Educación Primaria hai dous libros de Ciencias Naturais: libro de texto e caderno de obradoiro de ciencias. Os dous entran no fondo e na adxudicación.

 

GRADUACIÓN DE 6º DE E. PRIMARIA. O xoves, 27 de xuño, tivo lugar no centro a graduación dos nenos e nenas de 6º de Educación Primaria, que remataron o seu ciclo educativo no noso centro e comezan unha nova aventura no instituto. Participaron os alumnos/as, mestres/as e familias neste acto. Desde o centro desexámosvos a todos e todas unha nova etapa académica e persoal chea de ledicia. Podedes ver unha escolma de fotos do evento no apartado GALERÍA.

            

 

CHEQUES DE LIBROS DE TEXTO (1º e 2º de Primaria) E MATERIAL ESCOLAR. As familias poden vir recoller os cheques de material escolar e de libros de texto (neste caso só 1º e 2º de Primaria) os días 2, 3 e 4 de xullo (martes, mércores e xoves) en horario de 10:00 a 12:00 horas. Se o pai e/ou a nai non poden vir en persoa, poden facer unha autorización a nome doutra persoa para recoller o cheque (traerán un folio cuberto no que conste o nome e o DNI do pai ou a nai, que autoriza a recoller o cheque de material e/ou libros e o nome de DNI da persoa autorizada a recollelo - que ten que ser maior de idade -). Se algunha familia, aínda así, non recollera os cheques nas datas indicadas poderá facelo na primeira semana de setembro.

 

LISTAXES DE MATERIAL E LIBROS DE TEXTO PARA O CURSO 2019-20. Nas listaxes que aparecen a continuación poden verse e/ou descargarse as listaxes de material escolar e de libros de texto para o curso 2019-20. O curso que ven non haberá libros en Educación Infantil.

LISTAXE DE LIBROS E MATERIAL PARA O CURSO 2019-20

ERROS DETECTADOS.

  • Na listaxe de 6º de E. Primaria aparece CURSO 2018-2019, cando realmente é 2019-20.
  • Na listaxe de 5º de E. Primaria aparece o libro de Plástica. NON HAI LIBRO DE PLÁSTICA PARA O CURSO 2019-20 en 5º  E NON HAI QUE MERCALO.

ACLARACIÓNS.

  • Non hai libros de texto e/ou cadernillos en Educación Infantil.
  • As listaxes de material de 5º e 6º de Educación Infantil (5 e 6 anos) son iguais nos dous cursos.
  • Non hai libro de Lingua Galega en ningún curso de Educación Primaria (o horario, o temario e os estándares de aprendizaxe de Lingua Galega impartiranse igualmente, atendendo á lexislación vixente). Lembramos que o libro de texto é unha posible ferramenta de uso no período de aprendizaxe e, polo tanto, non é obrigatorio.
  • Non hai libro de Ciencias Naturais en 1º de Educación Primaria, pola mesma razón que o punto anterior.
  • En 5º de Educación Primaria haberá un libro de lectura, non de texto, en galego, como aparece na listaxe.

 

PREMIOS "PLANETA LIMPO" DA FUNDACIÓN PROSEGUR. Os nenos e nenas de 3º, 4º, 5º e 6º de Educación Primaria participaron no Proxecto "Planeta Limpo" da Fundación Prosegur, que persigue que nos concienciemos da importancia do coidado do noso planeta e da reciclaxe (todo isto a través da robótica). Esta actividade tiña un concurso voluntario posterior ao que se presentaron alumnos e alumnas do centro por equipos para ofrecer alternativas para eliminar residuos e coidar o noso entorno. Participaron 2009 nenos e nenas con 193 proxectos diferentes. O equipo gañador foi un de cinco nenos e nenas de 6º do noso colexio (Carla, Nuria, Noemi, Sara e Alex), que recibiron de mans de directivos da Fundación Prosegur e do Alcalde de Culleredo un diploma acreditativo de gañadores para eles e catro packs de Lego WeDo Education 2.0 para todo o colexio. Tanto o Alcalde coma o Director do centro amosáronse moi orgullosos da participación de todo o alumnado e da conciencia responsable de todos eles para o coidado e conservación do noso planeta (que é o único que temos). Podedes ver algunhas fotos no apartado GALERÍA e noticia publicada en prensa no enlace https://www.lavozdegalicia.es/noticia/coruna/culleredo/2019/06/14/idea-ganadora-eliminar-plasticos-mar/0003_201906H14C9992.htm.

           

 

APLICACIÓN TOKAPP SCHOOL. Se algún pai ou nai ten problemas para instalar a aplicación ou non reciben as mensaxes poden pasarse por Secretaría, ou ben chamar ao servizo técnico (911232555).

 

Powered by Drupal - Design by artinet