Infantil

4ª sesión do club de lectura "Xa non son malo".

Mar, 21/05/2024 - 00:00 — Anónimo

Nesta 4ª sesión dialogamos sobre o lido e estivemos investigando sobre as árbores que pode haber nun bosque e no noso patio. Preparámonos coas botas e os chuvasqueiros a alá fumos a observar o noso medio! Todas as follas das árbores son iguais? Como se chamarán? Fixemos unha colleita de follas e ao chegar a clase investigamos coa axuda do libro Este es mi planeta Árbores, prensamos as follas recollidas para facer máis adiante un herbario e preparamos unha gran lupa (baseada nunha lupa de trazos_class) con cartón, cartolina, cola e pinturas.

3ª sesión do club de lectura "Xa non son malo".

Lun, 13/05/2024 - 00:00 — Anónimo

Nesta 3ª sesión seguimos falando da lectura que fixemos ata o día de hoxe e estivemos sementando petunias, ademais de traballar cun "poema lobeiro" do libro O libro dos bicos.

1ª sesión do club de lectura "Xa non son malo".

Xov, 02/05/2024 - 00:00 — Anónimo

Nesta 1ª sesión falamos da lectura que levamos feito ata agora e coñecemos os protagonistas! Incluso estivemos investigando un pouco sobre o pasado do lobo.

Comeza o club de lectura en Educación Infantil!

Lun, 29/04/2024 - 00:00 — Anónimo

En Educación Infantil arrancan co club de lectura do libro Xa non son malo. Grazas a colaboración das familias podemos desenvolver esta actividade tan enriquecedora!

Educación Infantil cociña mini pizzas!

Lun, 18/03/2024 - 01:00 — Anónimo

Neste mes de marzo o reto promovido dende o PDI: a cociña consiste en cociñar. O alumnado de Educación Infantil fixo mini pizzas!

Proxecto "Exploradores del universo".

Ven, 01/03/2024 - 01:00 — Anónimo

O alumnado de Infantil 2 está investigando moito sobre o universo.

A galiña no proxecto "Animais da casa".

Xov, 29/02/2024 - 01:00 — Anónimo

O alumnado de Infantil 1, dentro do seu proxecto "Animais da casa", investigou moito sobre as galiñas. Cal será o seguinte animal que investiguen?

En que alimento se pode converter un triángulo?

Ven, 16/02/2024 - 01:00 — Anónimo

O alumnado de Infantil 1 estivo traballando cos triángulos e reflexionando no alimento no que se podían converter. Aquí podedes ver as súas ideas!

O biscoito de Cocorico

Lun, 12/02/2024 - 01:00 — Anónimo

O alumnado de Infantil 1 está aprendendo sobre os animais que conviven con nós. Entón, despois de investigar moito sobre as galiñas, leron o conto de Cocorico e como a esta personaxe lle gustan os biscoitos, estiveron buscando a receita dun para facer eles/as. Aquí podedes ver a elaboración.

O traballo dos disfraces de Entroido

Ven, 09/02/2024 - 01:00 — Anónimo

O alumnado de Educación Infantil estivo traballando moitísimo no seu disfrace de Entroido! Estiveron estampando verduras e froitas no seu mandil; foron a aula de Polos Creativos a escribir o seu nome e a súa inicial para que a Plotter llos recortara no vinilo, que eles/as mesmos/as cargaron en dita impresora de corte; trasladaron eses vinilos ao seu mandil; "encheron" chourizas... Unha rapazada moi traballadora!