O 24 de novembro, o alumnado de 5º e 6º xuntouse no concello co alumnado do instituto para a lectura dun manifesto pola Eliminación da Violencia contra a Muller.
Álbum: Curso 2023-2024 -> 25 de novembro: manifesto no concello
O CEIP Marquesa do Pazo da Mercé uniuse baixo o lema "LIBRES" polo Día internacional para a eliminación da violencia contra a muller. Cada bolboreta representa un desexo, un dereito ou un obxectivo que dende XA debe esparexerse na sociedade.
Parabéns a tod@s pola participación!!!
Álbum: Curso 2023-2024 -> 25 de novembro: Somos Libres
O luns 25 de novembro conmemoramos o Día Internacional contra a Violencia de Xénero. E a actividade principal do día consistía na lectura do conto ¿Hai algo más aburrido que ser una princesa rosa?
Unha vez lido o conto, démoslles aos nenos e nenas a silueta de princesa para que lle debuxaran a roupa e a colorearan. A única condición que lles puxemos, era que non empregaran a cor rosa nesta actividade.
As outras actividades que fixemos para celebrar o día, foi crear uns carteis en cada aula cun lema elexido por cada un dos grupos.
Aquí vos deixamos o resultado en forma de presentación.
Picando sobre a imaxe accededes á presentación dos carteis. Se non se incia picade AQUÍ
E con estes carteis fomos á praza do Concello, onde nos xuntamos co alumnado do Instituto para levar a cabo unha actividade conxunta. Lemos os nosos carteis, escoitamos os que levaban o alumnado do Instituto e logo dixeron en alto o nome de cada unha das 45 vítimas deste ano.
O venres conmemoramos no colexio o DÍA CONTRA A VIOLENCIA DE XÉNERO. Debido á chuvia non puidemos saír á praza como facemos habitualmente e tivemos que facelo no pavillón.
Alí nenos e nenas de 6º leron o seu manifesto, logo falou unhas palabras o alcalde que nos veu visitar para conmemorar o día connosco e para rematar cantamos a canción de Huecco titulada No más lágrimas. No pulso levavamos unha pulseira violeta con tres nós que simbolizan a igualdade entre homes e mulleres, o respecto por ámbolos dous xéneros e o fin das bágoas, facendo alusión á canción.
Para conmemorar o Día contra a Violencia de Xénero traballamos esta temática co alumnado dende as distintas titorías, pero tamén se fixeron actividades que implicaron a participación de todo o alumnado. E son as seguintes:
Todo o alumnado participou na presentación de modelos para facer unha chapa que levaríamos ese día. E o modelo elexido foi este que elaborou Cosme de 6ºA:
Todas os demais modelos foron expostos na entrada do centro e quedaron así de vistosos:
O alumnado de 6ºB redactou uns traballos para este día e queren nos mostrar os seus resultados AQUÍ
Outra actividade consistiu en saír á praza do Concello e para iso preparamos unha pancarta:
Aquí estamos todos na praza coa nosa pancarta.
Lereronse comunicados e cantamos a canción de Amaral "Salir corriendo" que practicamos nas aulas co seguinte video.
E por último colgamos á pancarta na fachada do colexio para recordar dita conmemoración:
O pasado 25 de novembro fixemos unha saída á praza do concello, para protestar en conxunto cos rapaces e rapazas do instituto, protestar en contra da violencia de xénero.
Aquí vos deixamos as fotos da camiñata, da cadea humana que fixemos e do manifesto na praza, coas mensaxes que dixeron os nosos alumnos e alumnas.
