Artigos recentes
MOMENTOS NA BIBLIO | hai 9 anos 48 semanas |
LIBRO PROPOSTO: A MÁSCARA DO LEÓN | hai 9 anos 48 semanas |
A HISTORIA DE SAISA. | hai 9 anos 48 semanas |
BIBLIOTECA ESCOLAR... MATEMÁTICO!! | hai 9 anos 48 semanas |
AMBIENTANDO PARA O SAMAÍN | hai 9 anos 48 semanas |
Contido popular
Today's popular content
Navegación
Animación á lectura
TALLER DE BANDEIRAS PARA EI
Enviado por Anónimo o Mér, 11/02/2015 - 12:02
Seguindo co proxecto multicultural da biblioteca "Saisa e as súas biblioviaxes" aquí vos deixamos unhas imaxes do taller de bandeiras que realizamos cos máis pequenos do cole.
A actividade consistiu en colorear as bandeiras segundo un modelo e facer puzzles colaborativos coas propias bandeiras.
TALLER DE BANDEIRAS
Enviado por Anónimo o Xov, 18/12/2014 - 22:22
A actividade consistiu en que os nenos e nenas que quixeron anotarse participaron na elaboración de bandeiras para colocar como adorno na sala de consulta. Esta é unha tarefa máis dentro do proxecto multicultural de SAISA E AS SÚAS BIBLIOVIAXES que contribúe a convertir a biblio non so en lugar de lectura se non tamén en centro de recursos e lugar de aprendizaxe.
Esta tarefa vai na liña temática que se propón para este ano dende a Rede de Bibliotecas Escolares de Galicia que ten por título Biblioteca Escolar Matemático…
O alumnado traballou en grupos cooperativos e heteroxéneos. Os máis pequenos tiveron a función de pintores, expertos en tesoiras e criptógrafos (tiñan que descifrar unha mensaxe escrita coa linguaxe marítima dos barcos que, “casualmente”, tamén son bandeiras). Os máis maiores convertíronse en investigadores, buscando en internet como eran as cores da bandeira do seu grupo, e deseñadores. Esta última tarefa era máis complicada pois tiñan que resolver unha ecuación matemática que mesturaba xeometría e fraccións. Dado un rectángulo de altura A, sendo A=10 cm, había que calcular a base de valor 3/2 de A. A cousa non acababa aquí pois dentro da propia bandeira as proporcións das franxas dependían do país que lle tocara.
Saisa está feliz coa vosa visita e tamén co bonita e multicultural que quedou a biblio! Volvede cando queirades!
SAISA VISITA AS CLASES
Enviado por Anónimo o Xov, 27/11/2014 - 11:56
Estes días Saisa andivo polas clases de excursión repartindo libros sobre culturas, acertixos e globos para realizar un Sistema Solar entre todos.
Esta Saisa é moi curiosa! Tamén quere saber que significa iso do Solsticio de Inverno e que relación ten co noso Nadal!
Vide vela á biblio, ás veces está moi aburrida...
EXPOSICIÓN NA BIBLIOTECA
Enviado por Anónimo o Mér, 26/11/2014 - 16:51
Saisa estivo facendo unha recopilación de libros que falan de diferentes culturas e tamén relacionados co Universo co gallo do Nadal e o solsticio de inverno. Pasade pola biblio para poder investigar e descubrir! Estámosvos esperando!
SAISA E AS SÚAS BIBLIOVIAXES
Enviado por Anónimo o Lun, 17/11/2014 - 16:10
Saisa estivo buscando algúns enlaces ás culturas que escolleron os titores para traballar por cursos. Tamén estivo recopilando libros. Vai pouco a pouco porque ten moito traballo pero está moi contenta porque aprendeu xa un montón de cousas. Aquí vos deixa moitos enlaces. Irá subindo máis ao longo destes días así que estade atentos! Tamén vos deixa un interesante artigo sobre a celebración do solsticio de inverno.
ROMA:
CHINA:
GRECIA
INDIA
ESPAÑA:
CELTAS:
INCAS:
EXIPTO:
AUSTRALIA:
OUTONEANDO EN OUTES!
Enviado por Anónimo o Xov, 13/11/2014 - 13:36
Xa temos na biblio o libro das receitas do outono!
Pasádevos para miralo!
Aquí vos deixamos unha pequena mostra do cento de receitas que chegaron das casas. Unha vez máis, moitas grazas pola vosa colaboración!
Saisa está contentísima! Mirade como sorrí na foto!
LECTURAS PROPOSTAS PARA O 20 DE NOVEMBRO
Enviado por Anónimo o Lun, 10/11/2014 - 16:08
Á biblio do cole chegou o seguinte libro que trae unhas lecturas moi interesantes para traballar os dereitos da infancia o 20 de Novembro. Aquí vos deixamos tres exemplos delas e o epílogo do libro. O prólogo é de Francesco Tonucci. Tamén vos deixamos o enlace a unha páxina con moitos recuros para traballar este tema.
SAISA E AS SÚAS BIBLIOVIAXES
Enviado por Anónimo o Ven, 07/11/2014 - 12:58
A nosa amiguiña Saisa pasoulle a fame con tantas receitas do outono. Pero agora... seica está un pouco aburrida...
Contounos que dende que chegou procedente doutro planeta, so coñece o cole e a Serra de Outes! Estivo buscando libros de lugares e culturas e está entusiasmada en iniciar unha viaxe. Axudámoslle a coñecer o mundo?
A nosa mascota é un mar de dúbidas! O primeiro que se preguntou é se en todos os lugares do mundo se celebraba o Nadal é porque. Averiguou que o Nadal e outras festas internacionais destas datas veñen de tradicións moi antigas e, sobre todo, da celebración do SOLSTICIO DE INVERNO.
Como é moi curiosa estivo mirando e mirando pola rede e atopou todos estes enlaces, xogos, fichas... e demais materiais para que investiguedes que é iso do solsticio do inverno e outras características do sistema solar.
SAISA DESÉXAVOS FELIZ BIBLIOVIAXE!
RESULTADOS DAS ENQUISAS DA BIBLIOTECA
Enviado por Anónimo o Mar, 04/11/2014 - 13:12
Fai unha temporadiña pedímosvos colaboración para coñecer os vosos hábitos lectores realizando unhas sinxelas enquisas. Aquí están os resultados. Parabéns porque estades feitos uns devoradores de libros!
Agora con estes datos as persoas que formamos o equipo da biblio xa temos moito máis claro cales son os xéneros literarios que máis vos gustan, que títulos podemos mercar para que veñades a buscalos e que outros podemos dinamizar para que vos acheguedes a eles.
Unha vez máis, moitas grazas a todos e todas por colaborar e prestarnos uns segundiños do voso prezado tempo.
CONTACONTOS NO RECREO
Enviado por Anónimo o Mar, 28/10/2014 - 22:24