A ANPA do CEIP plurilingüe de Monterroso é unha asociación sen animo de lucro formada polas nais, pais ou titores legais das nenas e nenos que estudan no centro educativo. Entre as labores da ANPA están as seguintes:
· Formar parte do consello escolar (órgano de goberno do colexio onde se tratan todos os temas relacionados co centro educativo).
· Informar ás familias dos temas tratados pola ANPA no consello escolar.
· Pertencer e participar nas iniciativas da FAPACEL (Federación de ANPAS de Centros de Ensino Público de Lugo).
· Organizar actividades extraescolares, festas de fin de curso, talleres formativos para os nen@s e as familias, excursións ….
· Coordinarse con outras ANPAS. Traballamos conxuntamente coas anpas de Antas de Ulla, Palas de Rei, Friol, Guntín, Portomarín, Taboada, Chantada e Carballedo, formando o grupo que denominamos ANPAS LUGO SUR. Dende este curso demos a posibilidade de facer actividades noutras asociacións da contorna sempre e cando sexan socios/as da anpa orixinaria e teñan pagada a cota do seguro de accidentes.
As vantaxes para os socios son as seguintes:
· Formar parte dunha asociación cuxos obxectivos e velar polos intereses dos nosos fillos e fillas.
· Poder participar en tódalas actividades organizadas pola ANPA (extraescolares, festas, excursións….)
· Ser beneficiario de descontos que fan os comercios da zona polas compras efectuadas polas familias socias da ANPA.
· Ter información de todo o acontecido no centro educativo así como actividades propostas por outras ANPAS da zona.
A ANPA somos todos as familias, así que asóciate e forma parte da comunicade. So tes que cubrir o seguinte formulario.
https://forms.gle/kwuWQxHBL5yvK9rJ6
A ANPA do CEIP Plurilingüe de Monterroso dispón para o desenvolvemente da súa labor dunha aula dentro do colexio.
Podedes seguir as novidades da ANPA a través da súa páxina de facebook (https://www.facebook.com/anpaceipmonterroso/) e poñerte en contacto na súa conta de correo: anpa.ceip.monterroso@gmail.com ou no teléfono: 613 02 99 63
Neste pdf podes ver os comercios colaboradores coa ANPA.