Como xa todos sabedes, mañá terá lugar o tradicional Festival de Nadal no centro. Lembrámosvos que os autobuses recollerán aos nenos/as nas paradas unha hora máis tarde e que regresarán unha hora antes.

Este é o díptico coa orde das actuacións:

ESPERÁMOSVOS A TOD@S!

Coma tódolos anos, o Concello de Neda, convidou ás clases de quinto e sexto de Educación Primaria á Marcha polo bo trato, pero este ano, debido ao mal tempo, suspendeuse o que era a Marcha pero non así os actos conmemorativos deste día.

As dez e media, xuntáronse na Casa da Cultura cos nenos e nenas tamén de quinto e sexto de primaria do colexio de San Isidro e cos alumnos/as de 1º da ESO do instituto Fernando Esquío, co cal poideron reencontrarse con antigos compañeiros do cole como Martín, David, Lucas, Marta, Iria, Sergio, Manuel,...

Comezaron o acto os nenos e nenas de San Isidro lendo uns fermosos poemas, continuaron os do Instituto cun pequeño relato e unhas alegacións en contra do Maltrato e remataron os nenos e nenas da Maciñeira, desfollando a margarida que estiveron a preparar estes días na clase.

Aquí podedes ler o que poñía cada pétalo:

Ademais, levaron unhas fermosas pancartas que fixeron por equipos en ámbalas dúas clases:

Unha vez rematada a participación dos centros educativos, escoitaron unhas palabras de Ana Rosa Pena Barcia, Concelleira de Servizos Sociais, Igualdade, Facenda e Terceira Idade  e despois do alcalde, Ángel Alvariño Saavedra:

Continuaron cunha solta de globos negros que representaban as mulleres e nen@s mortos durante este ano:

 O pasado dez de novembro, disfrutamos no colexio da tradicional festa do Magosto. Comezamos ás dez da mañá cun obradoiro de xogos populares organizados por Bea a profesora de Educación Física. Durante aproximadamente dez minutos, cada clase disfrutou de distintos xogos como: o brilé, a buxaina, as chapas, a mariola, os zancos ou o brilé. Pasámolo fenomenal.

Despois, sobre as doce e media, degustamos as ricas castañas e os ricos bocadillos de chourizo con pan de Neda, que esta vez debido á metereoloxía, tiveron que ser asados no forno.

Moitas grazas á ANPA pola súa colaboración, proporcionando non só as castañas senón tamén repartindo e facendo os bocadillos e o zume.

Como sempre, podedes ver máis fotos do día na nosa galería de fotos:

MAGOSTO 2017

 

O pasado 31 de outubro celebramos o Samaín no colexio. Todos os nenos e nenas que quixeron viñeron disfrazados para a ocasión.

3/4 anos:

5 anos:

1º de E.P.

2º de E.P.

3º de E.P.

4º de E.P.

5º de E.P.

6º de E.P.

A media mañá, comezaron os obradoiros. Cada grupo de primaria, dispuxo de vinte minutos, para estar en cada un dos cinco obradoiros.  Como sempre, contamos coa colaboración e participación da ANPA para a realización de dous dos obradoiros: o de maquillaxe e o túnel do terror. Ademais, disfrutamos de curtos de medo na biblioteca (como Fiz o coleccionista de medos, A bruxa regañadentes, a Meiga Chuchona, ...), de xogos monstruosos en informática e de xogos de baile, de puntería  e de equilibrio e precisión, no ximnasio.

Pasámolo fenomenal!!!!

Podedes ver máis fotos do día na nosa Galería:

 FOTOS SAMAÍN 2017

Este ano, todas as clases do centro, decidiron decorar as súas portas. Ollade que bonitas quedaron:

GÚSTANVOS?