CEIP PLURILINGÜE DE LUÍNTRA

Traballamos xeometría

Ven, 26/05/2023 - 14:55 — admin

En matemáticas estamos traballando a xeometría. Coñecendo as liñas, os ángulos, as formas e as súas carcaterísticas. tamén estamos aprendendo a debuxalos no papel e no ordenador.

Na materia de Ciencias sociais traballamos este trimestre as culturas que nos chaman a atención. O alumnado escolleu o país ou cultura que máis lle prestaba. Houbo que elixiu Etiopía ou Colombia, tamén escolleron lugares máis próximos como Francia ou Exipto. Outra elección foi a cultura mesopotámica, unha cultura de fai miles de anos. Coñecimos datos sobre os países e culturas: onde están situados, as linguas que se falan alí, a súa música, e as súas tradicións. Tamén falamos sobre a gastronomís dos disferentes lugares.

Día mundial da radio

Lun, 17/04/2023 - 10:17 — admin

O pasado 13 de febreiro a rapazada da escola de Luíntra participou no Día mundial da radio organizado polo proxecto Ponte nas ondas. Alí contamos a nosa investigación sobre José María Rodríguez, Alan Lomax, Jeanette Bell e Miles Davis. O chifro de José María Rodríguez volveu soar, desta vez en Vigo.

blogue de admin

Ponte nas ondas!

Lun, 13/02/2023 - 09:17 — admin

Hoxe, o alumnado de 5º e 6º de primaria marchamos a Vigo para participar no Día Mundial da radio organizado por Ponte nas Ondas. Imos contar a nosa investigación "Historia dunha melodía". Comezaremos sobre as 12:20 da mañá. Podedes escoitarnos e vernos na seguinte ligazón: http://escolasnasondas.com/

Entrevista na SER.

Mar, 20/12/2022 - 20:02 — admin

Deixámosvos a ligazón da entrevista que nos fixeron para a cadena SER. Agardamos que vos goste!

blogue de admin

Segunda parte da regueifa.

Mar, 20/12/2022 - 12:13 — admin

Déixovos a segunda parte da regueifa que o alumnado de 5º e 6º de primaria improvisou na festa do 70 aniversario do encontro entre Alan Lomax, Jeanette Bell e José María Rodríguez.

blogue de admin

Regueifa na escola de Luíntra

Ven, 02/12/2022 - 09:16 — admin

A regueifa é unha improvisación oral formada por 4 versos octosílabos que riman o segundo co cuarto. Levamos dous meses practicando con ela na aula. Fai un mes unha parte do alumnado comentou se sería posible preparar unhas regueifas para o aniversario do 29 de novembro. Aquí vos deixamos a primeira parte desta marabilla!

blogue de admin

"Historia dunha melodía" no Diario Cultural da Radio Galega

Mér, 30/11/2022 - 09:19 — admin

O martes 29, xa despois de comer, chegou o Vituco armado cos seus micros para facernos unha entrevista. En Compostela escoitaba atenta Belén Regueira. E falaron Leire, Blanca, Arón e Ico. Nesta ligazón podedes escoitar o programa.

Historia dunha melodía

Mar, 29/11/2022 - 14:14 — admin

Levamos traballando 5 meses neste tema. Hoxe, 29 de novembro de 2.002, foi o día. Hoxe fai 70 anos que Alan Lomax e Jeanette Bell coñeceron a José María Rodríguez, un capador de Nigueiroá que gravou para eles unha melodía co seu chifro. Esa melodía encheu a orella de Miles Davis que se inspirou nela para compoñer o seu tema "The Pan piper". Hoxe foi o día no que o alumnado da escola de Luíntra deu a coñecer os novos datos sobre esta investigación. Aquí vos deixamos un vídeo no que explicamos todo o noso traballo.