Orientación

As rutinas habituais da vida do noso alumnado con TEA modificáronse drasticamente, por iso, é importante que os seus familiares e persoas de apoio, que conviven con eles baixo o mesmo teito continuamente estes días, conten cos recursos necesarios para pasar o tempo na casa. No seguinte documento adxunto podedes ver algúns, dos que nos presenta a Confederación Autismo España.Pincha nas direccións e accede directamente a eles.

Elena Sanmartín, psicóloga e educadora social, ofrece uns consellos psicolóxicos para estos días de confinamento dentro da casa. Espero vos sexan de axuda. Ánimo a tod@s!

Dada a gran dificultade que pode supor para o noso alumnado TEA e as súas familias o confinamento obrigado polo Estado de Alarma en base o Covid-19, dende Autismo España e o CERMI informan de que pese o risco que supón esta situación, e naqueles casos nos que as familias se vexan na necesidade de saír, recoméndase que vaian acompañados da seguinte documentación:

• Certificado oficial de recoñecemento de Discapacidade
• Prescrición de un/a profesional sanitario o social. 
• Copia da Instrución de 19 de marzo de 2020, do Ministerio de Sanidade, pola que se establecen criterios interpretativos para a xestión da situación de crise sanitaria ocasionada polo COVID-19. 
•  Informes médicos, psicolóxicos ou sociais complementarios nos que se describan as necesidades individuais e/ou a existencia de dificultades conductuais. No  caso de dispor deles

Como xa sabemos que todos e todas debemos permanecer nas nosas casas nos vindeiros días, o Departamento de Orientación está a disposición de toda a comunidade educativa para todo aquelo que estimedes conveniente (dúbidas, preguntas, suxerencias..) a través da dirección de correo electrónico do noso centro:

ceip.labarta.pose@edu.xunta.es