Aquí tedes, baixo o título “Un almorzo completo”, o novo videoconto da serie “Planeta Verde” de Sogama.
Vito e Lilia fanse eco da importancia que ten afrontar cada día cun almorzo completo, variado e equilibrado no que non falten as froitas, os lácteos e os hidratos de carbono. Aproveitando a ocasión, recordan que, unha vez rematada a primeira inxesta do día, hai que recoller a mesa e separar os residuos de forma correcta para depositalos posteriormente nos contedores correspondentes e así propiciar a súa reciclaxe: o brick do leite, no amarelo; o tarro da marmelada, no iglú verde; e a caixa de cereais, no azul.
