O CEE PONTEVEDRA é un colexio público que atende as demandas de alumnos/as con necesidades educativas de atención específica por motivos de discapacidade, nun contorno próximo á cidade de Pontevedra, dentro do complexo da Cidade Infantil Príncipe Felipe, con bos accesos e zonas verdes.
Avda. Montecelo, 16 - 36161 Pontevedra
Tlfno: 886211185- 986804135 Ext. 41187/8
Fax: 986840855
Páxina web:http://www.edu.xunta.gal/centros/ceepontevedra
E-mail: cee.pontevedra@edu.xunta.es
Horario centro: 9:15 a 14:15 horas
O CEE PONTEVEDRA pretende ser un RECURSO ESCOLAR EXTRAORDINARIO onde traballamos cun criterio educativo de Centro Específico que se rixe polos principios de calidade, equidade, normalización, inclusión e non discriminación, flexibilidade, reversibilidade, orientación, esforzo compartido e autonomía. (LOE 2/2006, de 3 de maio Cap. I,).
AS NOSAS FINALIDADES SON:
- Ser un centro con valores que cultiva a boa convivencia entre toda a comunidade educativa.
- A formación integral do alumno, para adquirir as competencias que lle permitan o máximo desenvolvemento persoal, intelectual, social e emocional.
- Ofrecer unha atención personalizada que desenvolva ao máximo as capacidades dos alumnos, a través de programas individualizados.
- Optimizar os recursos persoais e materiais, tanto ordinarios como específicos.
- Pór en práctica nas nosas dinámicas de traballo, programas de innovación e de acceso as novas tecnoloxías da comunicación.
- A implicación das familias e titores legais e axentes sociais no noso proxecto educativo.
OFERTA EDUCATIVA.
Escolarizamos nenos e nenas entre 4 e 21 anos, de toda a provincia de Pontevedra, organizándonos pedagoxicamente en tres ciclos:
1º ciclo: de 4 a 11 anos.
2º ciclo: de 12 anos a 16 anos.
3º ciclo: de 17 a 21 anos.
As ensinanzas que desenvolvemos corresponden a:
Infantil e Primaria
Tránsito á vida adulta.
METODOLOXÍA DE TRABALLO:
A nosa forma de traballar é
- Compensatoria e adecuada as necesidades individuais do alumno.
- Dinámica, na que o alumno é protagonista das súas propias aprendizaxes.
- Funcional mediante o desenvolvemento de varios obradoiros que favorecen a autonomía do rapaz.
- Representativa da contorno social, para unha educación realista que favoreza a inclusión.
