A Consellería de Cultura, Educación e Ordenación Universitaria desminte que a comunidade galega reducira o número de docentes en 1.137, lamentando a confusión xerada a partir da interpretación realizada en relación aos datos publicados polo Ministerio de Educación no seu informe “Enseñanzas no universitarias. Estadística del profesorado. Curso 2011-2012. Datos Avance”.

Deste xeito a Consellería recorda que en dito informe faise unha comparativa, tal e como se indica, entre os datos pechados do curso 2010/2011 e os datos aínda provisionais- con data do mes de abril- do curso 2011/2012.

Cómpre recordar que para que a comparativa dea datos reais debe facerse entre os datos pechados de ambos cursos, e non con distintas datas.

Datos en Galicia

Pola súa banda a Consellería recorda que a comezos de curso o titular de Cultura e Educación presentou na súa intervención no Parlamento de Galicia que a cifra de profesores de cara ao 2011/2012 tería unha diminución de 587 docentes debido a amortizacións dalgunhas xubilacións con respecto do 2010/2011. Asemade no Parlamento destacouse que xa naquel momento o número de profesorado interino incrementarase coa contratación de máis de 400 docentes máis que no ano pasado anterior no mesmo momento da adxudicación.