Tres profesoras do Conservatorio Profesional de Música de Vigo, Rebeca Carrera (profesora no departamento de música tradicional e coordinadora do EDLG do centro), Belén Ferreiro (profesora de viola) e Susana Pérez (profesora de piano) que desde hai tres anos centran a súa enerxía en realizar actividades para a visibilización das mulleres na música, achégannos a súa última creación "Tecendo Redes".

Contan co seguinte material que poñen á disposición dos centos educativos e das persoas que se amosen interesadas:

•  92 carteis con rostros de compositoras que inclúen pistas para chegar aos seus nomes. Os carteis están organizados en tres niveis de dificultade: doado, accesible e difícil. 
•  92 peixes cos nomes de cada compositora que inclúen un QR para enlazar con algunha páxina de interese relacionada con ela.
•  4 carteis explicativos do funcionamento da actividade.
•  1 cartel coa descrición da rede exposta cesión desinteresada, da Asociación Atalaia de A Guarda.
•  Etiquetas de "pescada" para indicar que a compositora foi descuberta.

Adxuntamos tamén o cartel coa programación da Semana de Igualdade que realizan no seu centro

Podedes acceder a páxinaweb a través da seguinte ligazón https://enclavemorada.cmusvigo.gal/creacions/tecendo-redes/ [2]

Contacto co centro: Teléfono: 986 213 395      Correo electrónico: cmusvigo.gal