Consellería de Cultura, Educación e Universidade
Publicado en Consellería de Cultura, Educación e Universidade (https://www.edu.xunta.gal/portal)

Inicio > ea/mentor

Aulas Mentor [1]

Enviado por educadultos a Lun, 07/11/2011 - 09:54

 

Ensinanzas non regradas para persoas adultas, abertas, flexibles e a distancia, con titoría telemática a través de internet.

A Consellería de Educación e Ordenación Universitaria da Xunta de Galicia, en colaboración co Ministerio de Educación, oferta, a través das Aulas Mentor, unha ampla gama de cursos mediante o uso das últimas tecnoloxías informáticas e audiovisuais.

Esta oferta formativa permite actualizar o perfil profesional, potenciar o acceso ao emprego e aumentar a formación básica.

Destinatarios

Persoas maiores de 18 anos. Non se require titulación previa.

Calquera adulto que desexe formarse para acceder a un posto de traballo ou aumentar o seu nivel cultural.

Matrícula

A matrícula estará aberta durante todo o curso escolar e conxelarase no mes de agosto.

Organización

As aulas onde se realizan as actividades de formación dispoñen de recursos tecnolóxicos avanzados, así como de un profesor-administrador que axuda aos alumnos nas súas conexións á rede e na comunicación co seu titor.

O alumno recibe unha conta de conexión gratuíta a internet e non necesita asistir á aula, excepto para realizar a proba final presencial.

Os cursos poden iniciarse calquera día do ano escolar e cada alumno segue o seu propio ritmo de aprendizaxe.

O titor non está na aula, comunícase co alumno por correo electrónico e contesta en 24 horas a todas as dúbidas.

Acreditación

Ao superar o curso, o alumno recibe unha certificación de aproveitamento emitida pola Consellería de Educación e Ordenación Universitaria e o Ministerio de Educación.

Oferta de cursos Mentor

Para unha información completa e actualizada sobre os cursos ofertados, sobre as aulas existentes, etc. accédase á páxina web das Aulas Mentor:

 

Aulas MENTOR [2]

A relación completa de Aulas Mentor situadas en centros de ensino de Galicia aparece nesta ligazón. [3]

   

Gallego
Información xeral [4]
Aulas Mentor [5]
Servizo de Ensinanzas de Réxime Especial e Aprendizaxe Permanente [6]
Alumnado [7]

URL fonte: https://www.edu.xunta.gal/portal/mentor

Ligazóns
[1] https://www.edu.xunta.gal/portal/mentor
[2] https://www.educacionyfp.gob.es/contenidos/ba/actividad-internacional/cooperacion-educativa/aula-mentor.html
[3] http://www.edu.xunta.gal/portal/sites/web/files/relacion_aulas_mentor_2022_2023.pdf
[4] https://www.edu.xunta.gal/portal/taxonomy/term/123
[5] https://www.edu.xunta.gal/portal/taxonomy/term/387
[6] https://www.edu.xunta.gal/portal/taxonomy/term/41
[7] https://www.edu.xunta.gal/portal/alumnado