A Rede de Centros Plurilingües da Consellería de Cultura e Educación acada os 220 centros educativos autorizados coa incorporación no curso 14/15 dun total de 35 novos colexios [1]
O departamento educativo da Xunta de Galicia vén de publicar a resolución provisional, pola que ademais 6 centros xa plurilingües que tiñan este modelo educativo na etapa de Primaria incorporarana á de Secundaria
A Consellería de Cultura, Educación e Ordenación Universitaria incorporará no curso 2014/2015 un total de 35 novos centros á Rede de Plurilingües, ata sumar un total de 220. O departamento educativo da Xunta de Galicia vén de publicar a resolución provisional, pola que ademais 6 centros xa plurilingües que xa tiñan este modelo educativo (combinando galego, castelán e unha lingua estranxeira, ata chegar cada unha delas a un terzo do horario lectivo) na etapa de Primaria incorporarana á de Secundaria.
Dos centros de nova incorporación 8 son da provincia da Coruña, 6 da de Lugo, 7 da de Ourense e 14 da de Pontevedra. Así, pola provincia coruñesa os que implantarán o inglés como idioma de impartición de materias non lingüísticas serán os CEIP María Barbeito e Cervino, Manuel Murguía, e Labaca, todos eles na cidade herculina, o CPI Eusebio Lorenzo Baleirón (Dodro) e o CEP de Ventín (Ames), e os colexios Karbo, Santo Domingo e Matogrande (os tres na Coruña). No caso da provincia de Lugo, os novos centros da Rede serán os CPI Navia de Suarna (no concello do mesmo nome) e Virxe do Monte (Cospeito), o CEIP Virxe da Luz (Portomarín), e os colexios La Milagrosa e Divina Pastora (ambos os dous na cidade da Muralla), e La Merced (Sarria).
Na provincia de Ourense sumaranse á rede de plurilingües os CEIP Manuel Bermúdez (A Pobra de Trives), Albino Núñez (Ourense), Otero Novás (Cortegada) e Eulogio Gómez Franqueira (San Amaro), así como os colexios San José e San Pío X (ambos na cidade das Burgas), e Miraflores (O Pereiro de Aguiar). En Pontevedra os novos centros plurilingües serán os CEIP da Igrexa-Chapela (Redondela), Froebel (Pontevedra) e Vicente Arias de la Maza (Lalín), o CPI de Rodeiro (no concello homónimo), e os colexios San José (a Guarda), Sagrado Corazón (Lalín), La Inmaculada (Marín), Ángel de la Guarda (Nigrán), Hermanos Quiroga Rodríguez (O Porriño), Escuelas Nieto, Atlántida, Alborada e San Blas-Vista Alegre, estes 4 últimos na cidade de Vigo.
Os colexios xa plurilingües que suman este modelo educativo á etapa de Secundaria son o Grande Obra de Atocha (A Coruña), Santa Teresa de Jesús (Ourense), Divina Pastora (Ourense), Sagrado Corazón de Jesús (Pontevedra), María Inmaculada (Silleda) e Sagrada Familia (Vilagarcía de Arousa).