Xúntase Resolución do 23 de xullo de 2026 da Dirección Xeral de Centros e Recursos Humanos pola que se fan públicas as relacións definitivas de persoal que ten a obriga de participar no concurso de adxudicación de destinos provisionais 2026/2027.

Prazo de recurso:

O prazo para formular recurso é dun (1) mes contados dende o día seguinte ao da publicación deste anuncio (do 24 de xullo ao 24 de agosto de 2026, ambos incluídos).

Para aquelas persoas que presentaron na sede electrónica da Xunta de Galicia (https://sede.xunta.gal) unha solicitude no procedemento ED002B, para formular o recurso de reposición deberán acceder ao dito procedemento e seleccionar o trámite "recurso de reposición" e en asunto sinalar Resolución definitiva do 23 de xullo de 2026.

Para aquelas persoas que nunca presentaron na sede electrónica da Xunta de Galicia unha solicitude no procedemento ED002B, para formular o recurso de reposición deberán acceder a dita sede electrónica (https://sede.xunta.gal), a través do procedemento PR004A e no dito formulario da solicitude debe cubrirse tendo en conta os seguintes termos:

a) No campo EXPÓN: Sinalar ASUNTO: RECLAMACIÓN RESOLUCIÓN definitiva DO 23 DE XULLO DE 2026 PRIMARIA OU SECUNDARIA (segundo corresponda)

b) No campo DESTINATARIO debe elixir no desplegable á esquerda a Consellería de Educación, Ciencia, Universidades e Formación Profesional e no desplegable á dereita Dirección Xeral de Centros e Recursos Humanos.

Cualificacións provisionais da proba específica de acceso ao ciclo de grao medio nas ensinanzas deportivas de réxime especial de: fútbol en Culleredo; fútbol e balonmán en Pontevedra; fútbol sala en Ourense; atletismo en Moaña; vela e baloncesto en Vilagarcía de Arousa. Curso 2026-2027.

Publicada a resolución de avaliación dos proxectos de formación para profesorado de formación profesional e de ensinanzas de réxime especial  presentados á convocatoria do 13 de outubro do 2025, da Dirección Xeral de Formación Profesional pola que se convocan proxectos de formación do profesorado de formación profesional e de ensinanzas de réxime especial que se van a implantar no curso 2025-2026 en centros públicos dependentes da Consellería de Educación, Ciencia, Universidades e Formación profesional.

• Máis información

Resolución provisional pola que se fai pública a relación de centros seleccionados, non seleccionados e excluídos conforme o disposto no apartado 13 da Resolución do 27 de maio de 2026, da Dirección Xeral de Ordenación e Innovación Educativa, pola que se establecen as bases para a convocatoria do Programa para a orientación, avance e enriquecemento educativo en centros de especial complexidade educativa (Programa PROA+, FSE+) nos centros docentes públicos de educación primaria e secundaria dependentes da Consellería de Educación, Ciencia, Universidades e Formación Profesional nos cursos 2026/27 e 2027/28.

Anexo IV (Solicitude) para optar á subvención do Premio Extraordinario de Bacharelato do curso 2025/2026 (ED311A).

O prazo de presentación de solicitudes será de un (1) mes a partir do día seguinte da publicación das listaxes de cualificacións definitivas da proba PEB da convocatoria, isto é, do 17 de xullo ao 17 de agosto, ambos incluídos. As solicitudes de participación presentaranse preferiblemente por medios electrónicos.

De acordo co establecido no artigo 4.3 da Orde do 4 de xullo de 2019 pola que se modifica a Orde do 17 de xuño de 2017 pola que se regulan os intercambios provisionais de prazas do persoal docente que imparte as ensinanzas reguladas na Lei orgánica 2/2006, do 3 de maio, en centros dependentes desta consellería (código de procedemento ED002A) (Diario Oficial de Galicia número 124, do 30 de xuño), ábrese o prazo para as persoas que non estean obrigadas a participar no concurso de adxudicación de destinos provisionais do curso académico correspondente desde o día 15 de xullo ata o 31 de xullo de 2026.