Título node Learning object

O venres 12 de decembro terá lugar na Facultade de Psicoloxía (sala de xuntas), unha nova edición de LingüisticaMente. Diálogos entre a lingüística, a psicoloxía e a psicolingüística, xornada organizada polo Instituto da Lingua Galega, o Instituto de Psicoloxía e o Grupo Procesos Cognitivos e Conduta da Universidade de Santiago de Compostela.

A asistencia é libre ata completar a capacidade da sala. As persoas que asistan e desexen obter o certificado, o día do evento deberán de indicar os datos necesarios para a súa emisión.

Ás 12 h, Lucía Vieitez (IPsiUS) comezará a xornada falando sobre “O rol da identidade de xénero na interacción entre a gramática  e a emoción”. Seguiralle Francisco Dubert (ILG), ás 13 h, que falará sobre “Como se representa a variación na competencia lingüística”.