Carmen Pomar asiste á entrega da Insignia de Ouro do Concello de Ferrol ao IES Leixa

Mar, 07/01/2020 - 17:27
Carmen Pomar asiste á entrega da Insignia de Ouro do Concello de Ferrol ao IES Leixa

A conselleira de Educación, Universidade e Formación Profesional, Carmen Pomar, asistiu hoxe ao acto de entrega da Insignia de Ouro do Concello de Ferrol ao IES Leixa, concedida polo traballo levado a cabo polo conxunto da comunidade educativa deste centro contra a violencia de xénero, que lle valeu tamén o Premio Xunta de Galicia con motivo do Día Internacional contra a Violencia de Xénero.

Durante o acto, que tivo lugar no Teatro Jofre, recibiron insignias de ouro outras persoas e colectivos vinculados á cidade de Ferrol, e efectuouse o outorgamento da distinción de Ferrolán do Ano.