Título node Learning object

A Axencia de Modernización Tecnolóxica (Amtega) pon en marcha o Concurso de microrrelatos “Viaxe ao 2030” no marco do proceso de elaboración da Estratexia Dixital de Galicia 2030.

O obxectivo do concurso é facer participes aos máis novos neste proceso e coñecer como imaxinan que a transformación dixital cambiará a sociedade galega nos próximos 10 anos a través dun microrrelato.

Participantes

• Alumnado de 1º a 4º de educación secundaria obrigatoria (ESO) ou 1º e 2º de Bacharelato de centros educativos da Comunidade Autónoma de Galicia, cunha idade comprendida entre os 11 e os 18 anos (ambas as dúas inclusive).

Inscricións

• O período de inscrición estará aberto desde o día 16 de decembro ata o 17 de xaneiro. O persoal docente será o responsable de inscribir aos seus alumnos e alumnas interesados/as en participar.

Prazo de entrega

• O prazo para enviar o material do alumnado previamente inscrito estará aberto desde o día 16 de decembro ata o día 24 de xaneiro de 2020.
• Para máis información consultar a web: amtega.xunta.gal/edg2030/concursos

Premios

• Premiarase cunha tablet a cada un dos/as alumnos/as responsables dos 3 mellores microrrelatos (1º, 2º e 3º premio).

Documentación

Bases do Concurso

Autorización para participar no concurso “Viaxe ao 2030” 

Formulario de inscrición

Cartel “Viaxe ao 2030” 

Ante calquera dúbida, dirixirse ao correo electrónico edg2030@xunta.gal