Inicio

D3SSC000500

 

D3SSC000500 - LOOIFP | Promoción de igualdade de xénero
Ciclo formativo
Familia: Servizos socioculturais e á comunidade
Sistema educativo: LOOIFP
Grao: superior
Horas: 2000
Código: D3SSC000500
Documentación: RD
DOG
Volver á relación de ciclos formativos
Volver á relación de ciclos formativos

Que se aprende a facer?
Programar, desenvolver e avaliar intervencións relacionadas coa promoción da igualdade de trato e de oportunidades entre mulleres e homes, aplicando estratexias e técnicas do ámbito da intervención social, detectando situacións de risco de discriminación por razón de sexo e potenciando a participación social das mulleres.

 

En que ámbitos se traballa?
No ámbito público e privado, no sector da prestación de servizos de igualdade de xénero, en diferentes institucións e entidades que prestan servizos de carácter económico e comunitario orientados á igualdade efectiva de mulleres e homes: asociacións, fundacións, institucións, sindicatos, empresas, consultoras, servizos municipais, organismos de igualdade, centros comunitarios, etc.

 

Que ocupacións se desempeñan?
Promotor/ora de igualdade de trato e de oportunidades entre mulleres e homes, promotor/ora para a igualdade efectiva de mulleres e homes, e técnico/a de apoio en materia de igualdade efectiva de mulleres e homes.

 

Cales son os módulos?

Curso Código Módulo profesional Horas Períodos semanais
1º MP1404 Ámbitos de intervención para a promoción de igualdade 155 6
1º MP1128 Desenvolvemento comunitario 104 4
1º MP1401 Información e comunicación con perspectiva de xénero 155 6
1º MP0179 Inglés profesional (GS) 53 2
1º MP1709 Itinerario persoal para a empregabilidade I 106 5
1º MP0344 Metodoloxía da intervención social 133 5
1º MP1403 Promoción do emprego feminino 216 8
1º MP1708 Sostibilidade aplicada ao sistema produtivo 30 1
2º MO0004 Afondamento nas competencias profesionais (GS) 30 1
2º MP1665 Dixitalización aplicada aos sectores produtivos (GS) 30 1
2º MO0002 Habilidades comunicativas en lingua estranxeira (GS) 60 2
2º MP0017 Habilidades sociais 164 6
2º MP1406 Intervención socioeducativa para a igualdade 137 5
2º MP1710 Itinerario persoal para a empregabilidade II 50 2
2º MP1405 Participación social das mulleres 137 5
2º MP1402 Prevención da violencia de xénero 300 11
2º MP0020 Primeiros auxilios 82 3
2º MP1407 Proxecto intermodular de promoción de igualdade de xénero 50

Nota. Os módulos en negra están asociados a algunha unidade de competencia.

 

Que título ou acreditación se obtén?
Título de Técnico superior en LOOIFP | Promoción de igualdade de xénero.

 

A que outros estudos se pode acceder?
Este título permite o acceso directo a calquera ciclo formativo de grao medio ou superior. Tamén é posible obter o título de bacharelato matriculándose e superando unicamente as materias xerais do bloque de materias troncais da modalidade de bacharelato elixida, e a materia de Lingua Galega e Literatura. Así mesmo, é posible acceder a calquera ensinanza universitaria de grao, de modo directo, sen necesidade de proba. Se o título universitario tivese limitación de prazas o acceso farase tendo en conta a nota media do ciclo formativo.


Oferta

Pode consultar os ficheiros pdf coa oferta para o curso 2023/2024 de ciclos formativos polo réxime ordinario —grao profesional básico, grao medio e grao superior—, a oferta modular polo réxime de persoas adultas nas modalidades presencial e a distancia, a oferta de prazas da formación profesional dual, a oferta de cursos de especialización e a oferta de programas formativos de formación profesional básica, na seguinte ligazón.



Curso 2023-2024. Oferta de D3SSC000500 - LOOIFP | Promoción de igualdade de xénero en centros sostidos con fondos públicos, no réxime ordinario, no réxime de persoas adultas, tanto en modalidade presencial como a distacia, e en FP Dual.

Importante: se algún réxime e/ou modalidade non aparece a continuación deste parágrafo, significa que non hai oferta nese réxime e/ou modalidade de D3SSC000500 - LOOIFP | Promoción de igualdade de xénero, en centros sostidos con fondos públicos, para o curso académico 2023-2024.

Réxime de persoas adultas na modalidade semipresencial e a distancia

Oferta parcial, por módulos, de ciclos de formación profesional inicial en centros públicos polo réxime de persoas adultas na modalidade semipresencial e a distancia. Curso 2023-2024.



Lembre que a normativa sempre prevalece sobre calquera outra información. Esta páxina contén información de carácter xeral extraída da normativa, polo que calquera dúbida ou contradición se resolverá atendendo á normativa vixente (acceso a normativa da oferta de ciclos formativos).