1.3.3.- Cal é a súa utilidade?

Deberemos distinguir entre algoritmos informais e algoritmos formais: (premer)

1º.- Algoritmos informais

Son aqueles algoritmos que non son facilmente realizables a través dunha computadora. A persoa é a que executa o algoritmo principalmente, inda que en parte se poida axudar da computadora.

Podemos ver moitas das cousas que facemos na nosa vida como algoritmos; é dicir: unha secuencia de pasos organizados de cara a un determinado fin. Así temos algoritmos para preparar o almorzo, para ir ao traballo, para ir ao cine,…

Son os denominados algoritmos informais ou cualitativos: descritos por medio da linguaxe natural para obter unha solución a un problema.

2º.- Algoritmos formais

Son os algoritmos que se implementan mediante a computadora.

Fronte aos algoritmos informais ou cualitativos temos os algoritmos formais ou cuantitativos, que buscan a solución do problema mediante o cálculo.

A posta en práctica de algoritmos informáticos complexos ten permitido multitude de avances. A implementación de algoritmos complexos levou o desenvolvemento da tecnoloxía e causou un grande impacto na nosa forma de vida.

Exemplo de algoritmo informal

Un exemplo pode ser ir ao cine. Se listamos todos os pasos e decisións que debemos realizar obteremos algo así:

Figura sostendo un enorme "ticket" Vemos que unha actividade tan sinxela pode levar aparellado grande cantidade de tarefas e decisións. E estas tarefas e decisións facémolas, en grande medida, de xeito inconsciente. Poderiamos achegarnos máis á realidade e complicar un chisco o diagrama:

Podemos ir acompañados de unha ou varias persoas.
A elección da película pódese facer como unha selección múltiple, entre xéneros e, dentro de cada xénero, entre películas da carteleira.
A elección da sala podería tamén ser o resultado dunha selección múltiple entre as que existen na cidade e nos arredores.
Por último poderiamos decidir se collemos flocos de millo. En tal caso decidir que tamaño. Tamén a bebida. Etc.

3dman_eu eb Pixabay. Fax (CC0)