1.2.3.- Os proxectos de programación informática

1.1. Definición e análise do problema

Identificar

Identificar un problema consiste decatarse que existe e que podemos buscarlle unha solución.

Podemos detectar nós o problema ou pode ser o resultado dunha proposta. En calquera caso non basta con detectalo, senón que debemos enuncialo correctamente. É posible que esteamos de acordo coa existencia do problema pero, con todo, ter diferente punto de vista sobre como resolvelo. Debemos, ademais de telo identificado, definilo correctamente.

Definir

Definir un problema consiste especificar as condicións iniciais que debe ter o produto que imos desenvolver co proxecto.

A definición do problema ou a necesidade é un proceso que debemos facer con coidado xa que del dependerá en boa parte o éxito do noso proxecto. Hai proxectos complexos que desenvolven produtos excelentes pero, que con todo, non resolven o problema que orixinou o proceso e, por tanto, son un fracaso.

Obxectivar

Do resultado da nosa análise temos que extraer o seguinte:

1. Un obxectivo xeral do proxecto: a idea directriz do mesmo.
2. Unha serie de condicionantes que delimiten o noso traballo.

Podemos velo na seguinte presentación. (premer en play  para ver a presentación )

1.2. Investigación

Investigamos para localizar e tratar a información necesaria para crear o noso produto informático e suplir carencias de formación. Podería comprender as seguintes actividades:

• Detectamos as necesidades de formación
• Seleccionamos as fontes
• Definimos os criterios de busca
• Exploramos a información
• Seleccionamos a información
• Extraemos e organizamos a información
• Transformamos e tratamos a información

Vémolo na presentación. (Pasar as animacións premendo play )

2.1. Deseño

• Xerando ideas
• Avaliando ideas
• Seleccionando ideas
• Confeccionando a proposta

2.2. Prototipado

O prototipado é a fase do Método de Proxectos na que elaboramos, de acordo co noso deseño, unha mostra do que vai ser o noso produto final. Un prototipo é un modelo do produto que se vai a crear, un modelo de programa. Utilízase para mostrar como será este produto, para servir de guía na súa creación e para poder realizar os cambios oportunos antes da elaboración definitiva.

2.3. Planificación

Planificar consiste en ordenar e organizar as tarefas necesarias para obter o produto que resolve un problema ou satisfai unha necesidade. Trátase de dividir o proxecto en operacións simples e ordenadas.

• Dividindo o traballo en tarefas sinxelas
• Definindo roles e funcións
• Determinando duracións
• Asignando tarefas
• Establecendo relacións
• Programando temporalmente
• Presupostando a execución