ACTUALIDADE DO PROXECTO 01/12/2016

Abalar: Como habilitar as contas de alumnado para acceso á WIFI Educativa

A) Activación da conta

Para activar a túa conta segue estes pasos:

1. Entra na páxina web www.edu.xunta.es/contausuario
2. Preme en Conta e logo en  Activar.

3. Selecciona a opción A wifi do centro e preme en Continuar.

 

4. Copia o usuario e o PIN da túa etiqueta tal e como indican as frechas da seguinte captura de pantalla e preme en Continuar.

 

5. Escribe o contrasinal, tendo en conta as seguintes normas:

  • O contrasinal debe ter polo menos 6 letras.
  • NON podes poñer o teu nome, nin os teus apelidos e tampouco o nome da conta que vas crear.

    Tes que escribila dúas veces. Unha vez na CAIXA 1 e outra vez na CAIXA 2:

Preme en Continuar.

6. E para terminar preme en Confirmar e a túa conta xa estará creada!

De xeito xeral, esta conta estará operativa ao longo do curso escolar.

Importante: debes lembrar o contrasinal que puxeches. En caso de esquecelo deberás acceder a Contausuario empregando a túa conta de usuario e o PIN (os pasos están explicados no punto D).

B) Configuración do dispositivo

Cada dispositivo ten uns menús específicos de configuración da WiFi, polo que en caso de dúbidas é recomendable acudir á información do fabricante. Para poder empregar a WiFi do centro deberás empregar estes datos:

  • Nome da rede: edu.xunta.es
  • Nome de usuario:  alXXXXXX (é dicir, o teu nome de conta específico, por exemplo al125003)
  • Contrasinal:  O que escribiches en Contausuario

 

Conexión á rede Wifi edu.xunta.es

C) Normas de uso da WiFi

  • O acceso á WiFi ten unha finalidade pedagóxica e educativa. Tes que empregalo con responsabilidade.
  • Non compartas o teu contrasinal con ninguén. É individual.
  • Procura non empregar indiscriminadamente servizos que consuman moito ancho de banda (streaming, YouTube, etc). Se o fas estarás reducindo o ancho de banda para o resto de usuarios.
  • Non empregues a conexión para calquera uso non autorizado ou ilegal, hacking, etc.

 

D) Cambiar o contrasinal da conta

Necesitas o nome da conta e o PIN. Se non te acordas cal é o PIN, debes solicitar no teu centro que cho volvan entregar.

Para cambiar o contrasinal segue estes pasos:

1.    Entra na páxina web www.edu.xunta.es/contausuario
2.    Preme en Contrasinal e logo en Modificar.

3.    Introduce os datos:

1.    Nome da conta
2.    PIN
3.    Na caixa 1 introduce o contrasinal unha vez
4.    Na caixa 2 volve a introducir de novo o contrasinal

Preme en Continuar e o teu contrasinal xa estará cambiado.