Anllar, Asociación Galega de Promoción da Formación Permanente, organiza en Vigo as XIV Xornadas "Disciplina positiva" destinadas a docentes de educación infantil, primaria e secundaria. A través de conferencias e obradoiros preténdese acadar os seguintes obxectivos:

• Coñecer a disciplina positiva.
• Adquirir estratexias e técnicas de disciplina positiva.
• Coñecer os principios de mindfulness e a súa aplicación na aula.

As datas de celebración serán os días 13, 20 e 27 de xaneiro de 2018. A actividade está homologada pola Consellería de Cultura, Educación e Ordenación Universitaria con 15 horas de formación.