Incardinación e contribución do PD ao Proxecto Educativo.
O plan dixital do CPR Belarmino Fernández Iglesias é un instrumento de planificación e integración para desenvolver a competencia en materia do uso das novas tecnoloxías e acadar un proceso de ensinanza-aprendizaxe máis acorde á situación global que estamos a vivir,  fomentando unha aprendizaxe máis autónoma do noso alumnado e facendo das TICs un recurso metodolóxico máis que axude ao profesorado a levar a cabo as súas funcións dun xeito máis acorde cos retos da sociedade actual, polo tanto é un proxecto que abrangue a toda a comunidade educativa e polo tanto debe  formar parte da programación do plan xeral anual para o curso 2025-2026, onde se dará continuidade ao plan implatando nos cursos anteriores e será revisado de forma anual para trata de acadar unha maior competividade a nivel tecnolóxico. 
Este plan vainos axudar, ademais, a acadar un dos obxectivos que nos marcamos para levar a cabo un novo proxecto educativo enmarcado dentro do Programa Erasmus+ xa que tentareremos de utilizar diversos recursos tecnolóxicos para fomentar o intercambio de coñecementos do noso alumnado, coñecemento doutras culturas, así como mellorar as súas competencias lingüísticas.

Breve xustificación do mesmo.

Os centros educativos deben estar en cambio permanente para fomentar o acceso a un mercado laboral cambiante, hoxe en día, máis dixitalizado, motivo polo cal é imprescindible que se traten de mellorar as competencias dixitais do noso alumnado pero tamén é preciso que os docentes adquiran un certo nivel no manexo das novas tecnoloxías para poder levar a cabo o proceso de ensino-aprendizaxe. Por este motivo a implementación dun plan dixital faise necesaria e imprescindible para deseñar e emprender un proceso de transformación do noso Centro para converternos nunha organización dixitalmente competente.

Para poder desenvolver e  implementar o Plan Dixital baseámonos na seguinte normativa:

• Art. 111 bis, Art. 121 e Art. 132  da LO 2/2006, de 3 de maio, de Educación.
• Disposición adicional quinta da Resolución do 17 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento das ensinanzas de EI, EP, ESO e bacharelato no curso académico 2021-2022
• Disposición adicional terceira da Resolución do 18 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento dos ciclos formativos de FP do sistema educativo no curso 2021- 2022
• Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021-2022
• Resolución do 4 de maio de 2022, da Dirección Xeral de Avaliación e Cooperación Territorial pola que se publica o Acordo da Conferencia Sectorial de Educación sobre a actualización do marco de referencia da competencia dixital docente (BOE 16-05-2022)
• Marco Europeo para Organizacións educativas dixitalmente competentes (DigCompOrg) do Centro Común de Investigación (JRC, Joint Research Centre)
   

Proceso de elaboración.
O proceso de elaboración do plan dixital do noso Centro lévase a cabo pola dirección do Centro co apoio dos docentes.
Unha vez dados de alta no programa SELFIE, o alumnado, o equipo directivo e o profesorado cubriron as enquisas que foron pasadas na primeira avaliación e que tiveron que repetirse a comezos da segunda avaliación e ao final do curso.

Tendo en conta os resultados acadados no SELFIE, os resultados reflectidos no TestCDD e co coñecemento directo que temos do Centro fomos quen de realizar a análise DAFO. Ademais, neste proceso á hora de propor as Debilidades, Fortalezas, Ameazas e Oportunidades tivéronse moi en conta as opinión dos docentes do Centro.

Asemade, para trazar o Plan de Acción consecuencia da Debilidades e Fortalezas detectadas na análise DAFO a dirección tivo en conta a opinión de tódolos docentes do Centro.

Por iso podemos dicir que o Equipo de Dinamización do Plan Dixital no CPR Belarmino Fernández Iglesias está encabezado pola directora, pero nel están involucrados a meirande parte dos docentes. 

Ao finalizar o curso escolar farase unha avaliación final onde se poderá comprobar que os obxectivos foron acadados e no caso de non ser así tratarase de buscar unha nova solución para seguir acadando máis logros a nivel dixital nos seguintes cursos. Para facer esta avaliación analizaranse os resultados obtidos no seguimento dos Obxectivos plantexados o que nos permitirá tamén verificar se houbo avances no caso das propias competencias dixitais do profesorado sempre e cando sexa a cualificación superior á obtida con anterioridade, valorarase tanto a nivel xeral do centro como individual.

Para valorar este documento vamos analizar os resultados obtidos no seguimento dos Obxectivos plantexados.

En relación ao obxectivo O01PD Conseguir mellor calidade de conexión a internet indicar que continuamos a ter o obxectivo pendente, xa que as institucións non realizaron as obras pertinentes para poder acadalo.

Con respecto ao obxectivo O02PD Seguir mellorando o nivel de competencias dixitais do profesorado relacionadas cos módulos de cada Ciclo Formativo non foi acadado, xa que só 46,15% do profesorado participou en formacións dixitais, debido a que algúns docentes cambiaron de Centro Educativo, algún estivo de baixa e varios docentes solicitaron diferentes cursos pero non foron aceptados e quedaron sempre en reserva.

En relación ao obxectivo O03PD Fomentar o comportamento seguro e respectuoso do alumnado en internet temos que salientar que o 76% do noso alumnado participou na formación ofrecida polo Centro educativo.

O obxectivo O04PD Continuar mellorando o nivel de competencias dixitais do alumnado foi tamén acadado xa que o 80% dos estudantes empregaron os foros para consultar ou resolver dúbidas na aula virtual do módulo de IPE I e tamén foi utilizada en outros módulos tales como IPE II, Dixitalización aplicada ao sector productivo, Inglés profesional, Habilidades comunicativas en lingua extranxeira...

Con respecto ao obxectivo O05PD Modernización os dispositivos dixitais para o aprendizaxe, indicar que o Centro educativo fixo un esforzo para adquirir novos equipamentos (11/13), xa que dende a Administración non se convocou ningunha axuda ou subvención para este fin á que puidera acceder o noso Centro.

O obxectivo 1: Conseguir mellor calidade de conexión a internet propónse para o vindeiro curso xa que neste non fomos quen de acadalo.

O obxectivo 2: Seguir mellorando o nivel de competencias dixitais do profesorado relacionadas cos módulos de cada Ciclo Formativo propónse para o vindeiro curso xa que neste non foi acadado, debido a que houbo varios docentes que cambiaron de Centro Educativo, tamén houbo algunha baixa médica e outros docentes solicitaron varios cursos ao longo do curso en non foron admitidos, quedando sempre en resersva.

Ao comezo do curso o plan dixital do Centro será prensentado á comunidade educativa e será aprobado polo claustro e o consello escolar.

Este plan estará a disposición de toda a comunidade educativa na páxina EduCalidade e na web do Centro (https://fundacionbelarminofernandez.com/formacion/#PlanDigital)