Xustificación do Plan Dixital  en relación coa normativa vixente.

O plan dixital é o documento que desenvolve a estratexia dixital de centro que deberá estar contemplada no seu proxecto educativo, art. 121, recollendo a estratexia dixital do centro, dacordo co establecido no artigo 111.bis, sendo a labor do director promovelo e impulsalo como di o artigo 132 da LO 2/2006, do 3 de maio de Educación.

O obxectivo de que todos os centros educativos dispoñan dun plan dixital que estruture as estratexias organizativas e académicas, de maneira que se logre a transformación do centro nunha organización educativa dixitalmente competente, está recollido no Programa para a mellora da competencia dixital educativa ComDigEdu acordado pola Conferencia Sectorial do 21 de xullo de 2021.

Este plan será deseñado, elaborado e implementado nos centros docentes sostidos con fondos públicos da Comunidade Autónoma de Galicia segundo a Resolución do 3 de setembro de 2021 da Secretaría xeral de Educación e Formación Profesional.

Ademais deberanse ter en conta tanto a disposición adicional terceira da Resolución do 18 de xuño de 2021, da Secretaría Xeral de Educación e Formación Profesional, pola que se ditan instrucións para o desenvolvemento dos ciclos formativos de FP, o artigo 37.1do DECRETO 156/2022, do 15 de setembro e o artigo 18 da ORDE do 26 de maio de 2023 nos que se ditan instrucións para o desenvolvemento da ESO e o artigo 35.1 do DECRETO 157/2022 do 15 de setembro e o artigo 21 da ORDE do 26 de maio de 2023 pola que se desenvolve o Decreto 157/2022 do 15 de setembro nos que se ditan instricións para o desenvolvemento do Bacharelato, así coma a Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do plan dixital nos centros docentes sostidos con fondos públicos da Comunidade Autónoma de Galicia.

Contextualización do Plan Dixital no centro. Contribución ao Proxecto Educativo.

O IES San Mamede está situado no concello de Maceda. Porén, a área de influencia do instituto abarca outros concellos, como Baños de Molgas, Xunqueira de Espadanedo, Vilar de Barrio, Esgos, Montederramo e, en menor medida, Paderne de Allariz e Parada do Sil.

Os concellos de Maceda, Baños de Molgas, Xunqueira de Espadanedo e Paderne de Allariz pertencen á comarca de Allariz-Maceda.

• O concello de Vilar de Barrio pertence á comarca da Limia.
• Os concellos de Montederramo e Parada do Sil pertencen á comarca de Terra de Caldelas.
• O concello de Esgos pertence á comarca de Ourense.

Proceso de elaboración.

A finalidade dun centro educativo é que o alumnado aprenda, pero, ao mesmo tempo, a propia organización aprende a través da súa práctica, da reflexión sobre a súa propia práctica e das relacións que establece coa súa contorna.

Un centro educativo é, por tanto, unha organización que aprende e pon ao servizo, tanto da aprendizaxe do alumnado como da súa propia aprendizaxe, a tecnoloxía. O Marco DigCompOrg axuda a poñer o foco nos distintos procesos que dan lugar a esas dúas aprendizaxes e axuda a deseñar o plan dixital de centro como principal instrumento para recoller as estratexias que un centro educativo debe poñer en marcha para a súa dixitalización.

Baseada no marco da Comisión Europea para organizacións educativas dixitalmente competentes, SELFIE pode poñer de relevo que é o que funciona, en que aspectos se necesita mellorar e cales deberían de ser as prioridades dun centro.

SELFIE reúne, de forma anónima, as opinións do alumnado, profesorado e equipo directivo sobre o modo en que se utiliza a tecnoloxía no centro. Para iso utilízanse preguntas e enunciados breves e unha escala simple de valoración do 1 ao 5. Os enunciados abarcan ámbitos como o liderado, as infraestruturas, a formación do profesorado e as competencias dixitais do alumnado.

Estes resultados poden axudar a entender en que punto se atopa o centro e, desde aí, iniciar un diálogo sobre o uso das tecnoloxías e desenvolver un plan de acción para o centro educativo. SELFIE pode utilizarse máis adiante para avaliar os avances realizados e axustar o plan de acción.

Como dicimos, o informe de centro SELFIE utilizouse como base para a reflexión e o diálogo no seo da comunidade educativa no seu conxunto.

Posto que a puntuación media nunha área determinada ou para un enunciado determinado é indicador do ben que o centro está a empregar as tecnoloxías dixitais para a aprendizaxe, os resultados poden utilizarse para identificar os puntos fortes e febles e incluílos nun plan de acción.

Farase unha valoración xeral do PD ao remate do curso analizando que obxectivos se acadaron e en que nivel e en base a os resultados proporanse melloras de cara ao PD do ano seguinte.

A valoración xeral do obxectivos do Plan Dixital é a seguinte:

O01PD Desenvolver actividades encamiñadas a compensar as desigualdades no acceso ás tecnoloxías.

No proceso de matrícula recollese información relativa á acción AO1.1 polo que esta xa se acada no 1º trimestre. Tamén neste trimestre se da por acadada a AO1.2 xa que todo o profesorado ten aceso a aula virtual e á formación en liña relativa a esta.

As accións seguintes AO 1.3 e 1.4 lévanse a cabo ao longo do curso completo e fixéronse con éxito polo que se dan por acadadas.

Este obxectivo polo tanto considerase acadado.

O02PD  Renovar os equipos obsoletos.

A acción AO2.1 estaba planificada para o primeiro trimestre e fíxose no segundo. O inventario non se pode rematar xa que depende do envío de equipamento, pero levase facendo todo o curso. Por último a acción AO2.3 faise ao longo do curso polo equipo TIC.

Debido a que inda non chegou o material considerase que o obxectivo está acadado pero non de forma completa.

O03PD  Formación dixital do profesorado e biblioteca virtual de recursos dixitais.

No tócante a este obxectivo o profesorado conta cunha guía TIC á súa disposición que pode consultar e ademais mercáronse bastantes recursos dixitais engadidos a diferentes convenios con empresas de formación. 

Polo tanto considerase que este obxectivo esta acadado.

O04PD Desenvolver actividades colaborativas entre diferentes departamentos

Fíxose unha reunión inicial a comezo do curso lectivo e acordáronse varias actividades colaborativas, ao final non se levaron todas a cabo polo que se considera que este obxectivo esta acadado pero en menor medida do esperado.

O05PD Fomentar o uso de recursos tecnolóxicos para reunións e traballo colaborativo.

Neste caso case todas as reunións (CCP, Claustros e avaliacións) levaronse a cabo de xeito telemático, ademais todo o profesorado do centro emprega plataformas conxuntas para diferentes labores, isto sumado á plataforma que a consellería proporciona para os seguimentos fai que se considere o obxectivo acadado.

O06PD Desenvolver estratexias tecnolóxicas coas que afrontar incidencias e avarías.

No relativo a este obxectivo, as tarefas relacionadas coas accións asociadas realízanse no centro durante todo o curso lectivo polo que se considera o obxectivo acadado.

O07PD Fortalecer a ciberseguridade e protección de datos implementando medidas efectivas e promovendo a concienciación na comunidade educativa.

Este último obxectivo considerase acadado dende o remate do 1º trimestre xa que todos os datos relativos a protección de datos do alumnado se solicitan na matricula do mesmo. 

No que respecta aos Polos Creativos, neste curso escolar estableceuse un recinto no que se situou o material recibido e fixose unha toma de contacto inicial co mesmo. Houbo que acondicionar a aula, colocar o material, montar dito material e comezouse a traballar con mesmo. 

No centro realizaronse bastantes proxectos dentro dos Polos, xa que tivo bastante boa acollida. Entre outros están:

 - Observación da Lúa polo telescopio

- A economía circular fronte a economía lineal

- Estrelas de Nadal

- Compoñentes electrónicos

- Técnicas fotográficas experimentais. Cianotipia e antotipia

- Creación dunha postal de Nadal con circuíto LED

- O meu primeiro reto

- LAPBOOK: evolución dun proxecto tecnolóxico

- Audioguías museos Louvre e D, Orsay

- Unha estrutura de papel pode soportar o teu peso?

- KIT de iniciaicón á electrónica

- KIT de cinta condutora

- Determinación do espesor dun pelo con láser

- Design thinking para resolución do reto "Solucións tecnolóxicas para fomentar a motivación e participación en terapias de rehabilitación"

- LEGO Mecanismos

- Introducción á robótica e programación

- Programación CODING SET

- Misión AR SanMamede

- Somos conscientes do que comemos? O consumo de azucre

- RCP na aula

- V torneo de debate IES San Mamede

Seguense a realizar proxectos, xa que ainda non rematou o curso, tanto co material recibido coma non, e todos eles podense ver no site de polos do centro ao que se pode acceder dende a web do mesmo.

No Plan Dixital acadar de xeito completo aqueles obxectivos que neste curso lectivo se acadaron de forma parcial e seguir realizado de xeito completo aqueles que se conseguiron.

En canto aos Polos Creativos, realizar o maior número posible de proxectos sempre e cando se realicen no marco das programacións de cada departamento e sexan útiles para o aprendizaxe do alumnado.

Toda a comunidade educativa e, coñecerá o Plan dixital que estará á súa disposición na unidade compartida creada para este fin.  Ademaistamén se poderá ver dende a páxina web do centro www.iessanmamede.com. Poderase acceder dende o espazo de "Alumnado e familias" e despois dende a opción de menú "Plan dixital".

Poderase revisar tamen na ligazón en eduCalidade (https://www.edu.xunta.gal/educalidade/BuscaPlanAction?codPlan=1&codConvocatoria=133&codCentro=32016431)

O proxectos realizados dentro dos Polos creativos pondese ver dende o site creado para tal fin, que se atopa publicado na web do centro na seguinte ligazón:

https://sites.google.com/iessanmamede.com/poloscreativos24-25