1. Introdución
1.1.Datos básicos do centro
Nome do centro: CPR PLURILINGÜE DIVINO MAESTRO
Dirección: Rúa Madre Soledad de la Cruz, 1. 32001 Ourense.
Email: colexiodivinomaestro@divinomaestrofeourense.com
Web: www.dimaourense.com
Etapas educativas: Infantil, Primaria, Secundaria y Formación Profesional Básica.
No de alumnado: 329
No de profesorado: 30
1.1.Contextualización do Plan Dixital no centro. Contribución ao Proxecto Educativo do Centro
-O noso centro atópase nun barrio cun nivel económico medio-baixo e socialmente unha boa parte das familias do alumnado atravesan
dificultades de diversa índole. Os recursos culturais dos que dispoñen en casa son limitados, non todo o alumnado dispón de computador e/ou
conexión a Internet, etc. Unha parte das familias do centro non está alfabetizada dixitalmente aínda que de forma progresiva o acceso ás TIC
por parte das mesmas é cada vez maior.
-DIMATICS (Divino Maestro Tecnoloxías da Información e a Comunicación) foi adaptando á vida do noso centro, ao longo destes últimos
dez anos, e á nosa realidade educativa aos avances tecnolóxicos do mundo no que vivimos. (Proxecto Abalar, Plataforma Esemtia, Encerados
dixitais, Aula virtual, Google for Education ...)
-O Programa 1x1 (un dispositivo para cada alumno/a) nace no eido do Proxecto DIMATICS e integrado neste pretende contribuír a seguir
poñendo en marcha, no noso centro, recursos que impulsen constantemente a innovación pedagóxica e metodolóxica. O alumnado é, hoxe
máis que nunca, o centro do proceso de ensinanza-aprendizaxe; por iso queremos que teña ao seu servizo os mellores medios para acadar o
seu desenvolvemento integral como persoa.
-Este programa dá resposta ao Plan Estratéxico da Fundación Educativa Divino Maestro no que o uso das TIC como ferramenta de
aprendizaxe debe incluírse en todos os centros da Fundación introducindo de xeito paulatino e progresivo os dispositivos dixitais.
-Sen dúbida, o programa permite personalizar máis aínda a aprendizaxe axudando ao noso alumnado a aprender habilidades esenciais
no mundo de hoxe e afondar na adquisición da competencia dixital. A intelixencia artificial posta ao servizo da educación é un dos pilares do
proxecto que permite, e facilita, unha mellora cuantitativa e cualitativa na atención individualizada reducindo tempos na diagnose de dificultades
e multiplicando as ferramentas para a mellora do noso alumnado, con especial fincapé nos que máis dificultades teñen de aprendizaxe e, por
iso, polos que apostamos preferentemente.
-O Programa 1x1 DIMATICS non ven a substituír, senón a complementar e a mellorar a nosa forma de aprender. Ven a integrarse na aula
coas diferentes metodoloxías que xa se estaban a empregar ata este intre. O programa ven para estar ao servizo do alumnado na procura de ter
cada día a unha mellor persoa, en primeiro lugar, e a unha persoa máis formada que estea capacitada para contribuír a mellorar a nosa
sociedade.
-Pretendemos educar para a vida. Educar para un mundo en constante cambio, con avances tecnolóxicos que se suceden a un ritmo
vertixinoso.
-O profesorado, elemento clave no programa, está inmerso nun proceso de formación supervisado por Edebé e Google, centrado no uso
das aplicacións de G-Suite e na eficaz utilización dos libros dixitais e das metodoloxías activas.
1.2.Breve xustificación do mesmo
-Art. 111 bis, Art. 121 e Art. 132 da LO 2/2006, de 3 de maio, de Educación
Art 111 bis: Aula Virtual do Centro e Classroom das distintas materias
Formación para o profesorado (galego)
Acceso de todos os estudiantes aos recursos dixitais necesarios, para garantir o exercicio do dereito á educación de todos en igualdade de
condiciones
-Art 121 O proxecto educativo do centro recollerá así mesmo a estratexia dixital do centro
-Art 132 Competencias do director/a (A LOMLOE actualiza este apartado)
Promover as experimentacións e innovacións pedagóxicas aí está o Plan Dixital como o emprego das TIC na educación
-Disposición adicional quinta da Resolución do 17 de xuño de 2021, da Secretaría Xeral de Educación e Formación Profesional, pola que
se ditan instrucións para o desenvolvemento das ensinanzas de EI, EP, ESO e bacharelato no curso académico 2021-2022
Os centros docentes elaborarán no curso 2021/22 o seu Plan Dixital de acordo coas instrucións que se diten.
-Disposición adicional terceira da Resolución do 18 de xuño de 2021, da Secretaría Xeral de Educación e Formación Profesional, pola que
se ditan instrucións para o desenvolvemento dos ciclos formativos de FP do sistema educativo no curso 2021- 2022
Os centros docentes elaborarán no curso 2021/22 o seu Plan Dixital de acordo coas instrucións que se diten.
-Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o
deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia
para o curso 2021-2022
1.3.Proceso de elaboración
Nun primeiro momento nomeouse ao Coordinador TIC como Coordinador do Equipo de Dinamización do Plan Dixital, e deseguido formouse o
Equipo de Dinamización formado por tres profesores do centro, coincidindo cada un deles nunha etapa educativa, de modo que está formado
por catro persoas: Infantil, Primaria, Secundaria e FPBásica.
Para realizar este Plan Dixital contouse:
- Cunha plataforma de traballo participada pola Xunta de Galicia, o Ministerio de Educación y Formación Profesional, o Plan de Recuperación,
Transformación y Resiliencia e Financiada pola Unión Europea Fondos NextGenerationEU.
- E a unha completa mentorización durante todo o proceso de elaboración do Plan en todos os seus pasos.

As tarefas que levou acabo o equipo foron:
1.- Completar preguntas para o Selfie
2.- Xerar o Selfie para as etapas de Primaria, Secundaria e FPBásica.
3.- Recoller os resultados do Selfie.
4.- Promover a participación no Test CDD para alumnos e profesores do centro
5.- Informe grupal do Test CDD.
6.- Elaborar DAFO cos resultados do Selfie
7.- Cos datos do DAFO creamos Obxectivos do Plan Dixital e Liñas de acción para cada obxectivo
8.- Unimos o traballado ao resto do Plan Dixital.

O procedemento de seguimento do desenvolvemento do plan e da consecución de obxectivos, indicando:

- Cada un dos obxectivos indicados nas táboas leva unhas celdas co eígrafe “Seguimento da acción”, de modo que éste pode facerse na mesma táboa, aínda así farase unha avaliación por parte do Equipo de Dinamización do Plan Dixital como mínimo unha vez ao trimestre no contexto da avaliación procesual. Os aspectos a valorar incluirán o estado da execución das accións, a análise e valoración dos resultados e, de ser o caso, as posibles modificacións das accións e as propostas de mellora.

- No contexto da avaliación final a frecuencia da súa realización será de unha vez ao ano. Os aspectos a considerar incluirán, entre outros, a valoración do logro dos obxectivos e as propostas de mellora.

- Ademais haberá, segundo os obxectivos a desenvolver formularios e/ou cuestionarios dixitais que se enviarán ás familias, alumnos, docentes, departamentos, especialistas... en función dos ámbitos que toque o citado obxectivo para obter os indicadores de cada un dos obxectivos.

A valoración xeral é positiva aínda que quedan aspectos clave a mellorar para garantir un desenvolvemento efectivo do Plan Dixital. A incorporación de novos cursos e formacións é unha fortaleza destacada, xa que amplía a oferta educativa, fomenta a innovación pedagóxica e mellora a motivación tanto do alumnado (que ten a oportunidade de continuar a súa formación no propio centro) como do profesorado (ó que se lle abren novas oportunidades de desenvolmento profesional). Este avance evidencia un compromiso coa modernización e a adaptación ás necesidades actuais da contorna do centro e da comunidade educativa, o que é un punto forte significativo.

Por contra, a obsolescencia dos ordenadores representa unha carencia crítica que pode limitar os beneficios do Plan. O equipamento actual do alumnado, en xeral xa moi anticuado para as materias de informática, pode comprometer a implementación efectiva dos novos cursos, tendo en conta que estes dependen de ferramentas dixitais, software cada vez máis demandante en recursos e un acceso fluído a recursos en liña. Esta debilidade xera frustración, reduce a eficiencia do ensino e afecta á experiencia de aprendizaxe.

A adicación do profesorado á mellora da competencia dixital e á incorporación de prácticas educativas colaborativas demostra un compromiso coa innovación pedagóxica e coa adaptación ás demandas dun ensino moderno. A asistencia crecente as formacións sobre estes temas indica unha actitude proactiva e unha vontade de actualizarse para ofrecer unha educación de calidade, integrando ferramentas dixitais e metodoloxías que fomenten a colaboración e o pensamento crítico no alumnado. Este esforzo é fundamental nun contexto educativo que evoluciona rapidamente cara á dixitalización e a aprendizaxe activa. Sen embargo, as limitacións de tempo representan unha barreira significativa. A sobrecarga de traballo, derivada de tarefas administrativas, planificacións, avaliacións e a propia asistencia a formacións, reduce o tempo dispoñible para atender directamente ao alumnado. Esta situación provoca que os docentes se sintan abrumados, o que xera situacións de frustración, estrés e mesmo unha percepción de ineficacia, a pesar do seu compromiso. A falta de tempo para a interacción directa co alumnado é especialmente preocupante, xa que esta relación é esencial para personalizar o ensino, detectar necesidades específicas e crear recrusos que fomenten un ambiente de aprendizaxe motivador.

- Asignar tempos de reunión específicos ó equipo responsable do Plan Dixital para un seguemento trimestral preciso e que permita unha avaliación efectiva do seu grao de implantación

- Difundir o Plan Dixital entre o novo profesorado e facelo partícipe na consecución dos seus obxectivos de cara o vindeiro curso xa que a remuda de docentes por múltiples substitucións foi especialmente elevada este ano escolar e terá, en moitos casos, continuidade no próximo. Ademais, coa implantación do novo curso de formación profesional de grao medio incorporarase novo persoal docente que deberá ser posto o día.

- Cubrir a petición de 6 tablets que a etapa de Educación Infantil fixo na última reunión de Claustro, empregando os dispositivos de Polos Creativos e recuperando tablets doutras etapas que deixen de ser necesarios, para aproveitar ó máximo os recursos actuais e reducir ó mínimo a necesidade de compra de novo hardware.

- Trasladar o material de Polos Creativos a unha aula fixa definitiva onde quede pechado baixo chave, especialmente o máis valioso, facendo xa plenamente funcional o sistema de información basado en códigos QR e o rexistro de reserva dos recursos que se empezou a elaborar este curso.

- Promover a xeración de novo contido dixital nas distintas etapas aproveitando a gran cantidade de recursos de Polos Creativos que chegaron este curso. O que ata agora era unha limitación debido a ausencia de hardware específico deixa de selo, pero require da implicación dos docentes para o seu uso e aproveitamento.

- Continuar estimulando ó profesorado para que mellore a súa competencia dixital e, sobre todo, na consecución de acreditacións oficiais.

- Facer que todo o Claustro sen excepción dispoña de certificado dixital e saiba empregalo para asinar documentos.

- Unha vez que xa se renovaron a maioría de equipos destinados ás distintas etapas educativas e ó profesorado, faise moi necesaria (se non urxente) a substitución de equipos informáticos na etapa de Fomación Profesional e a dotación do novo ciclo de grao medio con equipos informáticos axeitados. A maioría de equipos actuais son moi obsoletos. Limitan e dificultan a experiencia do alumnado. Poderíanse aproveitar, non obstante, para a materia de Montaxe e Mantemento de Sistemas e Compoñentes Informáticos do CFGB de Informática de Oficina como material de prácticas para experimentar coa montaxe, o mantemento e a revisión de hardware e software.

- Ir substituindo os actuais proxectores, a medida que se vaian estragando, por pantallas interactivas ou, de non dispor de presuposto, por simples monitores de proxección xa que están dando bo resultado nas aulas onde se empregaron este curso.

- Implicar a máis membros da comunidade educativa nas responsabilidades que requiren un maior grao de competencia dixital (páxina web e redes sociais, consola de administración de Google, fotocopiadoras, redes de datos do centro, etc.) para que todos estes servizos non dependan en ningún caso dunha soa persoa e se lle poida dar continuidade sen problemas en caso de baixas ou ausencias do persoal responsable habitual.

- Dirixir a formación do profesorado a aspectos moi concretos e prácticos, menos xeneralistas, e ofrecer unha oferta formativa moito máis selectiva para que o aproveitamento do tempo de formación resulte efectivo e non sexa precibido como unha pérdida de tempo que resta en vez de sumar de cara a atender ás necesidades específicas do alumnado. Sería moi convinte buscar espazos temporais no calendario para que os docentes poidan crear recursos didácticos adaptados ás súas clases e que lles permita poñer en práctica o aprendido.

- Crear un curso específico para proporcionar ferramentas e estratexias ao alumnado de EP e ESO/FP para analizar a fiabilidade da información que se poida reutilizar no futuro con pequenos cambios xa que ata o de agora este obxectivo vense cubrindo con medidas ad hoc sen un seguemento e avaliación formal.

- Levar a cabo un seguemento formal e integral dos proxectos interdisciplinares realizados ó longo do curso no conxunto do centro. É dicir, solicitar ós coordinadores de etapa que deixen constancia de tódolos instrumentos empregados nos mesmos: deseño e temporalización de actividades, instrumentos de avaliación empregados, resultados da avaliación, memoria das actividades, material de promoción en web e redes, ...

- Crear algún espazo común (por exemplo: Classroom, unidade compartida, blog interno, ...) onde os membros do equipo de Polos Creativos ou calquera docente que así o decida poidan compartir os contidos dixitais, actividades ou unidades didácticas creadas cos recursos de Polos Creativos. Isto permitirá a súa reutilización ou adaptación por parte doutros docentes promovendo con máis celeridade o seu uso e implantación. 

-      Para a correcta difusión do Plan Dixital a toda a comunidade educativa empregamos a URL facilitada pola plataforma EDUCALIDADE para o curso 2024/2025: https://www.edu.xunta.gal/educalidade/BuscaPlanAction?codPlan=1&codConvocatoria=133&codCentro=32008665

-      Plan Dixital publicarase na páxina web do centro así como nas redes sociais coas que conta o Centro (Facebook e Instagram).

https://www.dimaourense.com/documentos-de-centro/