O CEIP de Barouta está situado na rexión centro do concello e pertence á parroquia que dá nome ao mesmo, Ames. Situado no Sudoeste da provincia da Coruña, na comarca da Amaía, limitando cos concellos de Santiago, Val do Dubra, A Baña, Brión e Teo. Ames é un dos concellos máis novos de Galicia e que triplicou a súa poboación nos últimos anos, pasando de ser menos de 10.000 habitantes no 1989 (ano no que se inaugura a escola) a ter hoxe en día máis de 30.000 habitantes.

Un municipio cheo de crianzas onde o rango de idade máis numeroso corresponde entre os 20 e 39 anos, descendendo a partir dos 61. O concello conta con 116 entidades de poboación e 11 parroquias. Os dous principais núcleos de poboación son Bertamiráns (capital municipal) e O Milladoiro.

O termo municipal de Ames repártese en once parroquias: Agrón, Ameixenda, Ames, Biduído, Bugallido, Covas, Lens, Ortoño, Piñeiro, Tapia e Trasmonte. Aproximadamente 900 empresas adícanse ao sector servizos (supón un terzo da poboación), cen á construción e outro cento á industria. Existen arredor de 218 establecementos comerciais e 229 explotacións bovinas con 1.600 cabezas de gando. Os datos de ocupación dos habitantes por sectores sinalan que case 200 se adican á agricultura, 20 á pesca, preto de 1.000 á industria, 1.000 á construción e máis de 6.000 ao sector servizos.

Este PD intégrase dentro do Proxecto Educativo (PE) do centro, como un elemento dinamizador do traballo educativo cotiá. O PD debe imbuír tódolos proxectos e Plans do centro, ofrecendo ferramentas de traballo motivadoras, inclusivas, e en definitiva, orientadas a todo o noso alumnado sexan cales sexan as súas características persoais e de referencia sociofamiliar.

Do mesmo xeito, a PXA deberá ter en conta este PD, para desenvolver os obxectivos establecidos no Plan de Acción. Así mesmo, este PD formará parte do Plan de Integración das TICs ou Proxecto de Educación Dixital, que se inclúe na PXA.

• Art. 111 bis, Art. 121 e Art. 132 da LO 2/2006, de 3 de maio, de Educación.
• Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implementación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021- 2022.
• Artigo 30.1 do DECRETO 150/2022, do 8 de setembro, polo que se establece a ordenación e o currículo da educación infantil na Comunidade Autónoma de Galicia.
• Artigo 15 da ORDE do 30 de maio de 2023 pola que se desenvolve o Decreto 150/2022, do 8 de setembro, polo que se establece a ordenación e o currículo da educación infantil na Comunidade Autónoma de Galicia e se regula a avaliación nesa etapa educativa.
• Artigo 34.1 do DECRETO 155/2022, do 15 de setembro, polo que se establecen a ordenación e o currículo da educación primaria na Comunidade Autónoma de Galicia.
• Artigo 14 da ORDE do 26 de maio de 2023 pola que se desenvolve o Decreto 155/2022, do 15 de setembro, polo que se establecen a ordenación e o currículo da educación primaria na Comunidade Autónoma de Galicia e se regula a avaliación nesa etapa educativa.

A elaboración do PD fíxose mediante a creación dunha liña de traballo dentro do PFPP do centro neste curso: PFPP S2131081 Análise da competencia dixital do CEIP de Barouta e elaboración do plan dixital Formouse un Equipo para a Dinamización do Plan Dixital con un coordinador e a presenza de tódolos membros do Equipo Directivo. En certos momentos do proceso, foi necesaria a participación de todo o Claustro para a recollida de datos.

O Equipo do PD recibiu varias xornadas de formación, e fixéronse reunións para a análise dos datos recibidos e a elaboración do Plan de Acción. A temporalización establecida foi:

Novembro 2021: Rede DixitalGal. Posta en marcha da rede de contcato das persoas ADIX cos centros.

Decembro 2021: configuración e envío do SELFIE nos centros educativos.

Febreiro 2022: realización do Test CDD por parte do prodfesorado dos centros.

Marzo 2022: DAFO. Recopilación de datos e reflexión DAFO.

Abril-maio 2022: deseño, definir obxectivos e accións a seguir.

Xuño 2022: versión 1 do Plan Dixital.

Outubro 2023: versión 2 do Plan Dixital. Revisión dos obxectivos do Plan de Acción e actualización dos datos do Plan Dixital.

Ao longo do curso farase unha avaliación tanto procesual como final, atendendo aos obxectivos establecidos no Plan de Acción.
No contexto da avaliación procesual, a frecuencia da súa realización será cando menos unha vez ao trimestre, e os aspectos a valorar :
• o estado da execución das accións,
• a análise e valoración dos resultados e, de ser o caso,
• as posibles modificacións das accións e as propostas de mellora.

No contexto da avaliación final mediante os correspondentes instrumentos, a frecuencia da súa realización será como mínimo unha vez ao ano, e os aspectos fundamentais a valorar serán os relativos ao logro dos obxectivos e as propostas de mellora.
O propio Plan de Acción, nos obxectivos plantexados, inclúe unha lista de cotexo como instrumento de avaliación que imos a utilizar.
O proceso de implementación, ao ser un proceso vivo e modificable, poderá requerir o uso doutros instrumentos de avaliación se fose necesario.

Os obxectivos do Plan Dixital recollidos no Plan de Acción foron acadados, quedando pendente a creación dun repositorio de recursos en galego que esperamos elaborar para o vindeiro curso.

Neste curso vimos como xa todo o profesorado ten asimilado e implementado o uso de recursos do Plan Dixital dentro do seu traballo diario de aula. É algo que se fai xa con normalidade como parte da dinámica do centro.

Tratamos de centrarnos moito no proceso e na metodoloxía de traballo, fomentando a autonomía do alumnado no uso das diferentes estrategias e ferramentas. O noso principal obxectivo, é que todo o alumnado e o profesorado sexa independente e autónomo para propoñer, crear e alaborar el mesmo todo o material utilizando os recursos tecnolóxicos que están á súa disposición.

Destacar, que nos queda por mellorar os aspectos relacionados coa participación das familias e coa coordinación dos diferentes equipos, mestras e mestres, así como o uso de máis espazos de traballo e algúns recursos de Polos Creativos.

No vindeiro curso seguiremos insistindo naqueles elementos no que nos resultou difícil avanzar:

• Insistiremos en tratar de conseguir ferramentas corporativas máis axeitadas.
• Queremos que o alumnado sexa máis autónomo e responsable coas ferramentas tecnolóxicas. Propoñemos crear grupos de expertos para traballar nos proxectos.
• Crear contextos de aprendizaxe onde integrar tódolos elementos relacionados co Plan Dixital.
• Implicar máis á Comunidade Educativa na participación dos diferentes obxectivos do Plan Dixital.

Seguirase unha estratexia de difusión do PD en consonancia co Plan de Comunicación que xa ten establecido o centro no referente aos documentos e proxectos:
• Publicación do PD na web do centro.
• Dar coñecemento do PD á AFA para a súa difusión a toda a Comunidade Educativa.
• Dar difusión do PD a nivel de centro a todo o Claustro e Consello escolar mediante as xuntanzas que se fan regularmente ao longo do curso e mediante os Equipos de Traballo.
• Sistema de asambleas co alumnado e coas familias.

A través do buscador de Plans da Consellería de Educación.