Xustificación do PD en relación coa normativa vixente
• Art. 111 bis, Art. 121 e Art. 132 da LO 2/2006, de 3 de maio, de Educación.
• Resolución do 3 de setembro de 2021, da Secretaría xeral de Educación e Formación Profesional, pola que se ditan instrucións para o deseño, elaboración e implantación do Plan Dixital nos centros docentes sostidos con fondos públicos da Comunidade Autónoma de Galicia para o curso 2021- 2022.
Contextualización do PD no centro e contribución ao Proxecto Educativo
O Plan Dixital deberá basearse nos seguintes puntos:
- A importancia das Tecnoloxías da Información e Comunicación ou TIC no ensino é cada vez maior e, neste contexto, o valor que representa para a sociedade galega a posibilidade de aceso a Sociedade de Información dende os centros educativos é incuestionable.
- Os recursos TICs cos que conta o centro, aínda que aceptables como punto de partida, deben ser mellorados co paso do tempo, pemitindo actualizar o material que vai quedando obsoleto.
- É necesario continuar ca revisión do método de integración das TIC no ensino, polo menos na metodoloxía a empregar, se queremos mellorar os resultados tanto académicos como de inserción na sociedade do alumnado do noso centro.
- Continuar e afondar na formación dos docentes na aplicación das TIC ao ensino, pasando así de mero usuario a creador de contidos para o alumnado.
Dentro da planificación de cada curso académico por parte do equipo directivo, a Planificación Xeral Anual é un instrumento de planificación para cada curso académico, tendo como finalidades recoller as decisións e acordos máis relevantes que afecten á organización e funcionamento xeral do centro. O CIFP Fontecarmoa ten unha elevada traxectoria de participación en diferentes proxectos de innovación educativa, moitos deles cun carácter fundamentalmente tecnolóxico. Algunhas das máquinas e maquetas empregadas nestes proxectos de innovación teñen necesidades de conectividade as que lle debemos dar resposta dende a organización das TICs do centro. Será importante ter en conta estas necesidades e tamén aproveitar as melloras de capacitación do profesorado para mellorar a incardinación das TICs no proceso de ensino – aprendizaxe de tódalas etapas do centro educativo. Por todo isto, estímase necesario a incorporación do Plan Dixital no Proxecto Educativo de Centro para que permita a participación activa de todo o equipo docente na mellora do proxecto TIC e tamén se teña en conta na programación xeral anual de centro do curso actual e posteriores.
Proceso de elaboración
A elaboración do presente plan dixital levouse a cabo polo Equipo de Dinamización do Plan Dixital. Nun primeiro momento comezouse cunha fase de análise da situación actual. Para esta finalidade puido utilizarse un sistema de enquisas confeccionado dende a Unión Europea denominado SELFIE. O mencionado procedemento de enquisas dedicouse a recoller a información de partida partindo de cuestionarios realizados a estudantes, profesores e membros do equipo directivo do centro. Posteriormente púxose en marcha un test de Competencia Dixital Docente, no que os profesores tiñan que cubrir unha enquisa ca finalidade de comprobar cal era a súa valoración en competencia Dixital. Posteriormente, co obxectivo de analizar os resultados do cuestionario SELFIE e o test CDD realizado polo profesorado, deseñouse unha análise tipo DAFO. O obxectivo desta sería analizar os aspectos positivos e os negativos do centro educativo con respecto as TICs. Un DAFO é un sistema no que se analiza en profundidade tanto as debilidades e fortalezas dende un punto de vista interno da organización coma as Oportunidades e Ameazas dende outro punto de vista externo a esa mesma organización. A partir do análise DAFO realizado, pasouse a realizar o plan de acción, proxectando un conxunto de actuacións para melloralos. Este plan de acción, o igual que todo o procedemento, estivo mentorizado polos asesores ADIX2 de Vilagarcía. Como última fase deste proceso, está a elaboración do documento final plan dixital, que deberá, xunto con algunha análise adicional.
