Plan do centro

Datos do plan

Vixencia

 
 
 

Introdución

Introdución

1.Introdución

1.1.Datos básicos do centro

É un colexio Privado Concertado, pertencente ás actividades da Fundación "FOGAR DE SANTA MARGARIDA", fundación de carácter cristián, polo que o colexio é un colexio da Igrexa, diocesano, ao servizo da formación cristiá, encaixando como comunidade educativa das parroquias do contorno. O Colexio depende do Arcebispado de Santiago de Compostela e como obra social que é, "descarta o afán e ánimo de lucro".

A comunidade educativa do Fogar de Santa Margarida está formada por aproximadamente 1200 alumnos e 80 docentes.

Os niveis educativos que acolle son os seguintes:

  • Educación Infantil (1º ciclo de 0 a 2 anos e 2º ciclo de 3 a 5 anos, EI)

  • Educación Especial (Para alumnos de EI, EP e ESO).

  • Educación Primaria Obrigatoria (6 a 12 anos, EP)

  • Educación Secundaria Obrigatoria (12 a 16 anos, ESO)

  • Formación Profesional Básica - Servizos Comerciais (16 anos, FPB)

  • Ciclo Formativo de Actividades Comerciais (16 anos en diante, CF)

  • Ciclo Superior de Publicidade e Marketing (18 anos en diante, CS)

  • Bacharelato (16 a 18 anos)

Os datos de contacto do CPR Fogar de Santa Margarida son os seguintes:

  • Enderezo: Rúa Valle-Inclán 1-3, 15011 A Coruña

  • Teléfono: 981251090

  • Email: secretaría@fhsm.es

  • Web: www.fhsm.es

1.2.Contextualización do Plan Dixital no centro. Contribución ao Proxecto Educativo do Centro

O centro educativo CPR Fogar de Santa Margarida atópase situado na cidade de A Coruña, na área de influencia que abrangue os barrios de Riazor, Ensanche, Cidade Xardín, Paseo das Pontes e Agra do Orzán. Esta zona estase a converter nas últimas décadas nunha auténtica milla de ouro da cidade, xa que inclúe un barrio residencial de chalets e mansións de luxo, así coma edificios moi próximos á liña de mar na praia de Riazor. Trátase dunha zona cuxos habitantes gozan, a priori, dun estatus socio-económico medio ou alto.

O Proxecto Educativo do Fogar de Santa Margarida é un documento que reflicte as intencións, fins e obxectivos da nosa comunidade escolar no que se enumeran e definen os trazos de identidade do centro e a estrutura organizativa da institución.

O Plan Dixital é unha nova ferramenta que ven a contribuír para que o Proxecto Educativo do noso centro acade os seus obxectivos facilitando e incentivando o uso de ferramentas dixitais en diferentes eidos da vida escolar: Proxecto Lingüístico, Plan Lector, programas de reforzo do Departamento de Orientación, Plan de Convivencia, actividades extraescolares, etc.

1.3.Breve xustificación do mesmo

O presente Plan Dixital supón a posta en práctica no noso centro de diferentes normativas definidas polas diferentes autoridades educativas:

  • Art. 111 bis, Art. 121 e Art. 132 da LO 2/2006, de 3 de maio, de Educación.

  • Resolución do 3 de setembro de 2021, da Secretaría xeral de Educación e Formación Profesional.

  • Artigo 30.1 do DECRETO 150/2022, do 8 de setembro.

  • Artigo 15 da ORDE do 30 de maio de 2023.

  • Artigo 34.1 do DECRETO 155/2022, do 15 de setembro.

  • Artigo 14 da ORDE do 26 de maio de 2023 pola que se desenvolve o Decreto 155/2022, do 15 de setembro.

  • Artigo 37.1. do DECRETO 156/2022, do 15 de setembro

  • Artigo 18 da ORDE do 26 de maio de 2023 pola que se desenvolve o Decreto 156/2022, do 15 de setembro

  • Artigo 35.1 do DECRETO 157/2022, do 15 de setembro

  •  Artigo 21 da ORDE do 26 de maio de 2023 pola que se desenvolve o Decreto 157/2022, do 15 de setembro.

1.4.Proceso de elaboración

O proceso de elaboración deste Plan Dixital consistiu nun proceso de varias fases tutelado polo equipo “ADIX Coruña 1”:

  1. FASE I: Análise e diagnose da situación do centro (1 de Setembro – 15 de Outubro)

    1. Revisión dos resultados do último SELFIE dispoñible.

    2. Revisión do último informe DAFO (Debilidades, Ameazas, Fortalezas e Oportunidades) elaborado a partir dos resultados do test SELFIE e do test CDD.

    3. Revisión dos cambios producidos no centro respecto ó curso anterior.

  2. FASE II: Deseño e elaboración do Plan Dixital (15 de Outubro - 30 de Outubro)

    1. Definición dos obxectivos do plan de acción

    2. Elaboración do Plan Dixital

  3. FASE III: Implementación, seguimento e avaliación do Plan Dixital (a desenrolar durante o curso 2023-2024)

 

Contexto DAFO

Instrumentos de recollida de información previa

Fontes empregadas para a análise DAFO

A elaboración do informe DAFO (Debilidades, Ameazas, Fortalezas e Oportunidades) está baseada no análise dos resultados dos informes SELFIE e CDD realizados durante o curso 2021/2022, para acometer neste novo curso obxectivos novos, ou continuar profundizando nos do curso anterior. Porén, tívose en conta outros factores como os cambios producidos no centro durante o último ano, os cambios previstos durante este curso, e os resultados do Plan Dixital do curso pasado.

O informe SELFIE

O informe SELFIE é unha iniciativa da Comisión Europea que consiste nunha ferramenta en liña gratuíta que pretende axudar ós centros escolares a obter unha instantánea do punto no que se atopan en relación co uso das tecnoloxías dixitais tendo en conta a opinión de profesorado, alumnado e equipo directivo. Este proceso de autoreflexión pode axudar ó centro a detectar posibles ámbitos de mellora, establecendo obxectivos de mellora e plans de acción para cada obxectivo.

 

O test CDD

O test CDD é unha ferramenta en liña gratuíta que permite ós profesores auto-avaliar, o seu nivel de competencia no uso de ferramentas dixitais e, como resultado, proporciona un informe de resultados individualizado que permitirá a cada profesor planificar a súa formación futura neste tipo de ferramentas.

Interno
25 elementos atopados, amosando todos os elementos.
Resultados da busca
DAFO Descrición Categoria Obxectivos
Debilidade C13. Os alumnos non poden traer o seu propio dispositivo Alumnado Si
Debilidade H11. Aprender a programar só en 2ºESO e algún contido puntual das materias de TIC. Alumnado Si
Debilidade Un 20-30% distráese ó estudiar con TICs Alumnado Non
Debilidade C1. Infraestructura: equipos insuficientes, conexión a internet deficiente Infraestruturas Non
Debilidade C10. Non hay dispositivos dixitais que os alumnos podan levar a casa. Infraestruturas Si
Debilidade C16. Pouco uso de Bibliotecas/repositorios en liña Infraestruturas Si
Debilidade O centro traballa con múltiples aplicacións para a súa xestión educativa (Sixa, TokApp, email, ...) Infraestruturas Si
Debilidade A4. O profesorado non dispón de tempo para explorar o ensino dixital Oferta Si
Debilidade B3. Colaboracións Persoal docente Si
Debilidade G6. Comentarios a outros alumnos sobre o seu traballo Persoal docente Si
Debilidade F5. Colaboración alumnado Persoal docente Si
Debilidade F6. Proxectos interdisciplinares Persoal docente Si
Debilidade TestCDD: 20% de participación Persoal docente Non
Debilidade G10. Emprego de datos para mellorar o aprendizaxe Persoal docente Si
Debilidade B4. Sinerxias para aprendizaxe mixto Persoal docente Non
Fortaleza Podo atopar toda a información que preciso na web do centro Alumnado Non
Fortaleza Chégannos avisos e notificacións automáticos a través dalgunha aplicación do Centro. Familias Non
Fortaleza - O centro emprega servizos dixitais educativos corporativos Infraestruturas Si
Fortaleza A2. Cóntase co profesorado á hora de implementar algunha ferramenta dixital no centro. Oferta Si
Fortaleza Difunde información de interese e facilita o seguimento da actividade académica do alumnado Organización de centro Non
Fortaleza Difunde información de interese e facilita o seguimento da actividade académica do alumnado Organización de centro Non
Fortaleza A3. En FP animados para novas modalidades de ensino Persoal docente Si
Fortaleza D2. Boa participación no DPC (desarrollo profesional continuo) Persoal docente Non
Fortaleza E4. Emprega diferentes ferramentas dixitais para comunicarse co resto da comunidade educativa Persoal docente Non
Fortaleza E1. Os profesores aproveitan recursos educativos en liña Persoal docente Si
25 elementos atopados, amosando todos os elementos.
Externo 11 elementos atopados, amosando todos os elementos.
Resultados da busca
DAFO Descrición Categoria Obxectivos
Ameaza Falta de fondos para mellorar infraestructuras (equipos e conexións) Administración educativa Si
Ameaza Falta de tempo: a elevada carga lectiva impide a creación de contidos dixitais por parte do profesorado. Administración educativa Si
Ameaza Falta de oferta en formación presencial de ferramentas dixitais. Administración educativa Si
Ameaza A aplicación dos cambios dunha nova lei educativa pode provocar que o Plan Dixital de Centro quede relegado en importancia. Lexislación Non
Oportunidade Extensión do Plan Dixital ás familias facilitando así ós alumnos o acceso a dispositivos e conexións axeitadas. Administración educativa Non
Oportunidade Formación ou obradoiros dirixidos ás familias, sobre competencias dixitais. Administración educativa Non
Oportunidade Inxectar fondos suficientes para impacto REAL Administración educativa Non
Oportunidade Potenciar actividades extraescolares sobre tecnoloxías dixitais (Talleres sobre tecnoloxía dixital para familias) ANPA Non
Oportunidade Aproveitar a reforma da lei educativa para dar un impulso á aprendizaxe dixital en determinadas materias (por exemplo con materias de libre configuración) que poderían ser 100% dixitais. Lexislación Non
Oportunidade Fomentar as visitas de estudios a outros centros Outras Non
Oportunidade Poñer en contacto a proveedores locais de reventa de equipos informáticos cos nosos alumnos. Outras Non
11 elementos atopados, amosando todos os elementos.
Análise

Un análise DAFO é unha sinxela ferramenta de análise estratéxico moi estendida na toma de decisións de todo tipo de organizacións e empresas.

No análise DAFO faise distinción entre dous tipos de factores:

  • FACTORES INTERNOS: propios do dentro educativo.

    • As fortalezas indican capacidades, recursos e vantaxes competitivas do noso centro que se poden empregar para explotar oportunidades de mellora.

    • As debilidades son aspectos que limitan ou reducen a capacidade de desenvolvemento efectivo da estratexia do centro e constitúen unha ameaza para o mesmo e deben, polo tanto, ser controladas e superadas.

  • FACTORES EXTERNOS: alleos ó dentro educativo.

    • As oportunidades son as forzas da contorna que se poden aproveitar porque afectan positivamente ós obxectivos do noso centro educativo.

    • As ameazas son as forzas da contorna que poden impedir a implantación dunha estratexia ou reducir a súa actividade.

Neste caso, a partir do Informe SELFIE, do test CDD e outras fontes, xerouse un análise DAFO que permite o coñecemento da realidade do centro no eido dixital e facilita a elaboración das liñas fundamentais do Plan Dixital en termos de obxectivos e accións a desenvolver.

Para a elaboración do análise DAFO, estudáronse os resultados do Informe SELFIE onde os diferentes apartados son cualificados cunha puntuación entre 1 e 5 puntos, escollendo soamente aqueles apartados con puntuación especialmente baixa (arredor de 2.5 puntos), ou aqueles que aínda tendo unha puntuación relativamente alta (3 ou 3.5) eran susceptibles de mellora con pequenas actuacións.

Obxectivos

Datos obxectivo
Listaxe de obxectivos
Código Obxectivo Opcións
O1PD Incorporación ó programa de Innovación educativa "Polos creativos"
O2PD Implantación de Alexia como ferramenta de xestión educativa corporativa.
O3PD Deseño de actividades interdisciplinares entre materias de FP con tecnoloxías dixitais.
O4PD Promover o emprego nas aulas de actividades deseñadas mediante novas tecnoloxías (Plickers, Genial,ly, etc.)
O5PD Implantación de Office 365 no centro
O6PD Implantación de novas ferramentas educativas dixitais.
Cargando os indicadores...

Seguimento

Procedemento

O procedemento de seguimento do desenvolvemento do plan e da consecución de obxectivos, será o seguinte:

- A mentora ADIX axudará no seguimento do plan.

- Revisarase o estado do plan de actuación como mínimo unha vez ao trimestre, unha vez rematadas as avaliacións. Os aspectos a valorar incluirán o estado da execución das accións, a análise e valoración dos resultados e, de ser o caso, as posibles modificacións das accións e as propostas de mellora.

 

1º Trimestre

Unha vez rematada a primeira avaliación faise unha revisión do estado das diferentes accións do Plan Dixital de Centro:

  • No tocante á incorporación ó proxecto "Polos Creativos", levouse a cabo a creación do seminario e a incorporación de profesores de diferentes perfiles e diferentes etapas educativas. Estamos á espera da entrega do material por parte da Xunta, pero aínda non hai data prevista.
  • A implantación de Alexia como ferramenta de xestión corporativa está rematada, o persoal do centro está en pleno proceso de adaptación á nova ferramente y atopouse algunha incidencia importante que está en proceso de resolución.
  • Deseño de actividades interdiciplinares entre materias de FP: leváronse a cabo diferentes tarefas como: a cartelería do mercado navideño, enquisas, anuncios en vídeo... en colaboración entre as materias de informática e márketing.
  • Actividades deseñadas con novas tecnoloxías como Genial.ly: os alumnos de FP prepararon xogos con Genial.ly como axuda para o estudo das materias.
  • Implantación de Office 365 no centro: tódolos profesores do centro están a empregar o novo correo corporativo. A nivel de alumnado soamente se emprega nos cursos de 1ºESO e 2ºESO. O proceso de incorporación do alumnado dilatouse demasiado no tempo, motivo polo que no resto de cursos xa non tiña sentido a súa implantación xa que os alumnos que o precisaban xa estaban a empregar contas de correo persoais.
    • Punto de mellora para o próximo curso:
      • Creación e comunicación de contas de Office e Moodle para os alumnos na ó inicio do curso.
      • Concienciar ós alumnos da importancia de recordar o seu contrasinal
  • A implantación de novas ferramentas educativas dixitais Science Bits e OnMat completouse, aínda que resultou problemática porque o alumnado ten moitos problemas cos contrasinais: ou ben o esquecen ou ben non distinguen entre o contrasinal do correo electrónico e o contrasinal das outras ferramentas, para moitos deles todo é o mesmo, provocando que o aproveitamento do tempo de clase se vexa mermado.
    • Punto de mellora de cara ó próximo curso:
      • Establecer contrasinais que non se poidan cambiar e proporcinar o listado dos mesmos ós profesores das materias.

 

2º Trimestre

Unha vez rematada a segunda avaliación faise unha revisión do estado das diferentes accións do Plan Dixital de Centro:

  • No tocante á incorporación ó proxecto "Polos Creativos": asistimos á presentación dos "Kits Singulares" no CFR de A Coruña" e trasladamos o material ós profesores do centro para a súa avaliación. Seguimos sen data para a chegada do material de polos creativos.
  • A implantación de Alexia como ferramenta de xestión corporativa está rematada, o persoal do centro vai sendo cada vez máis autónomo no seu uso. O proceso de exportación de notas a Xade aínda non está solventado.
  • Deseño de actividades interdiciplinares entre materias de FP: neste trimestre non se levou a cabo ningunha actividade deste tipo.
  • Actividades deseñadas con novas tecnoloxías como Genial.ly: neste trimestre os alumnos de FP trasladaron un tema de Ciencias a unha presentación en Genial.ly.
  • Implantación de Office 365 no centro: os problemas cos contrasinais son constantes. O número de alumnos que non é capaz de entrar no seu correo é elevado xa que apenas usan o email e cando o queren usar, non lembran o contrasinal.
  • A implantación de novas ferramentas educativas dixitais Science Bits e OnMat: os problemas para entrar nestas aplicacións reducíronse porque entran con máis frecuencia.
3º Trimestre

Unha vez rematada a terceira avaliación faise unha revisión do estado das diferentes accións do Plan Dixital de Centro:

  • No tocante á incorporación ó proxecto "Polos Creativos": realizouse unha formación presencial sobre MICROBITS e ETEXTIL no noso centro cun orador externo. Seguimos sen data para a chegada do material de polos creativos.
  • A implantación de Alexia como ferramenta de xestión corporativa está rematada, o persoal do centro vai sendo cada vez máis autónomo no seu uso. O proceso de exportación de notas a Xade está solventado, pero na práctica non ten nada de automático.
  • Deseño de actividades interdiciplinares entre materias de FP: neste trimestre levouse a cabo unha actividade de deseño dun trofeo para os "Oscars do Fogar".
  • Actividades deseñadas con novas tecnoloxías como Genial.ly: neste trimestre os alumnos de FP elaboraron xogos con Genial.ly para repasar os conceptos de correo electrónico.
  • Implantación de Office 365 no centro: os problemas cos contrasinais continúan. O número de alumnos que non é capaz de entrar no seu correo é elevado xa que apenas usan o email e cando o queren usar, non lembran o contrasinal.
  • A implantación de novas ferramentas educativas dixitais Science Bits e OnMat: os problemas para entrar nestas aplicacións reducíronse moito neste último trimestre.

Avaliación

Procedemento para a avaliación

O procedemento de avaliación do desenvolvemento do plan e da consecución de obxectivos, consistirá nunha avaliación final ó rematar o curso académico. Os aspectos a considerar incluirán, entre outros, a valoración do logro dos obxectivos en base ós diferentes indicadores e as propostas de mellora onde sexa necesario.

Tamén se aproveitará para valorar qué obxectivos se deben manter de cara ó Plan Dixital de Centro do curso seguinte por non ter acadado o obxectivo ou por ter marxe para a mellora.

 

Valoración xeral

Os obxectivos prantexados foron acadados prácticamente na súa totalidade. De cara ó curso que ven, quedaría profundizar no uso de Office 365 e as contas de correo corporativo. A intención sería que tódolos alumnos do centro de ESO, BACH, FPB e Ciclos estivesen capacitados para empregar as apliacións de Office 365 (word, excel, correo, axenda...).

Proposta de mellora

De cara ó PDC do curso que ven, proponse a inclusión dalgunha persoa máis para crear un grupo de traballo de PDC más amplo e cunha visión máis ampla e que axude na definición dos obxectivos de cara ó curso próximo. Neste momento só hai unha persoa traballando no PDC.

Comunicación e difusión

Comunicacion e difusión

O presente plan estará a disposición de toda a comunidade educativa na páxina web do centro no apartado “O centro – Proxecto Educativo”. Así mesmo, comunicarase a súa aprobación polo Consello Escolar a través das ferramentas de mensaxería interna do centro a todo o profesorado.

Tamén se pode acceder a él na seguinte URL:

https://www.edu.xunta.gal/educalidade/BuscaPlanAction?codPlan=1&codConvocatoria=132&codCentro=15004794#

Así mesmo, comunicarase a súa aprobación polo Consello Escolar a través das ferramentas de mensaxería interna do centro a todo o profesorado.

Volver