Outras

Poesías para Defuntos

O escritor arxentino Ernesto Sábato é autor da novela Sobre héroes e tumbas, parafraseando este título presentamos Sobre mortos e tumbas, escolma de textos poéticos para lembrar, lendo, aos difuntos:

Eros políglota

Para que o amor non só mellore as expectativas do comercio, para que incremente tamén as nosas capacidades lectoras, ofertamos estas lecturas do amor e con amor.

O amor non coñece fronteiras nin linguas, o amor é cidadán do mundo e políglota, por iso namorémonos coa lectura, leamos namorados en todo tempo e lugar, en calquera lingua.

As letras tamén namoran!



 

Vodas de sangue

Federico García Lorca, un dos poetas vítimas do canibalismo de 1936, é o autor dunha traxedia titulada Bodas de sangre. Así nomeamos a escolma de textos coa que lembramos os 75 anos do inicio da Guerra Civil e, de xeito especial, das súas funestas consecuencias nestas terras que rega o Miño xa próximo á súa desembocadura.

Naqueles días as augas do Miño ían tinguidas de vermello, levaban o sangue de mártires da xustiza e da legalidade.

Hoxe, 75 anos despois, non celebramos as vodas de prata daqueles cruentos sucesos, tampouco as de ouro, son as vodas de sangue, do sangue espallado en defensa das liberdades.

 

Theme by Danetsoft and Danang Probo Sayekti inspired by Maksimer