exposición

Maio das Letras, maio de Xela Arias

Neste maio das Letras xa temos disposto o noso escaparate "Letras Galegas 2021: Xela Arias". Xela escritora, Xela tradutora, Xela nai, Xela e a fotografía, Xela e a música son os cinco epígrafes nos que se divide esta pequena mostra para ilustrar algunhas das diversas xeografías percorridas por "aquela nena de Sarria".

Exposición na Biblioteca do Grupo Nós:

Martes, 15 de decembro: desde a nosa biblioteca participamos na segunda e última visita didáctica virtual á exposición Galicia, de Nós a nós. Pechamos así as actividades programadas para celebrarmos o centenario da publicación da revista Nós que se viron complementadas coa nosa particular exposición de materiais Nós na Bibliosanpaio.

na Bibliosanpaio de amapeot

Se non podemos ir ao Gaiás, o Gaiás ven a nós

Hoxe, ás dez da mañá, grazas a unha visita didáctica en liña, puidemos acercarnos á exposición "Galicia, de Nós a nós" e así recoñecer a importancia de Nós na construción da identidade galega. Sen saír da nosa biblioteca visualizamos as obras expostas, coñecemos o contexto sociohistórico e sociolingüístico da Xeración e o Grupo Nós e conectámolo coa actualidade. Exploramos tamén a dimensión de universalidade e internacionalización da lingua e a cultura galega grazas ao compromiso e a obra deste grupo de intelectuais comprometidos coa terra nai.

 

Reflexionando sobre os estereotipos

Aproveitando a celebración do 8 de marzo, estes días pode visitarse na entrada do instituto unha pequena exposición sobre estereotipos de xénero. Con ela pretendemos reflexionar sobre as ideas preconcebidas que nos levan a identificar, dun xeito máis ou menos subliminar, por exemplo, as bonecas con xoguetes de nenas ou os coches como propios dos nenos.

Cómpre rachar as reixas que engaiolan as nosas mentes para loitar por unha efectiva e real igualdade!

Novidades en portadas

exporOs alumnos de 4º da ESO, guiados pola súa profesora de Plástica, elaboraron estas magníficas portadas que expor2podemos contemplar nestes días finais de curso, tempo de recollida de notas e de matrícula cara ao vindeiro ano académico.

Xa temos as portadas, o continente, faltan os contidos mais seguro que entre o noso alumnado hai escritores que saberán encher de contidos esas ou outras portadas: unhas, como as gañadoras do noso X Concurso San Valentín, xa o fan; tal vez outros hoxe sexan escritores en potencia pero nun futuro máis ou menos próximo pasarán ao acto creativo.

Theme by Danetsoft and Danang Probo Sayekti inspired by Maksimer