O Xapón no noso centro
Estes días tivemos no noso centro un obradoiro de introducción á cultura xaponesa, organizado polas profesoras de música, Elena, e de matemáticas, Nuria, e impartido pola profesora de xaponés da Escola Oficial de Idiomas, Yerma.
De interese para o proceso de admisión
Lembramos as diferentes formas de presentación das solicitudes de admisión do alumnado:
- Solicitude electrónica: a persoa solicitante ten que dispor dun certificado de identidade e sinatura dixital ou un sistema de usuario e Chave 365. Ademais, terá que cubrir o anexo II-bis (comprobación de datos e consentimento) e imprimilo, e unha vez asinado de xeito manual pola outra persoa proxenitora, titora ou acolledora, escanealo. Xunto coa solicitude, deberá achegar o anexo II-bis e o resto da documentación que, de ser o caso, fose precisa.
- Solicitude creada a través da aplicación e presentada no centro.
- Solicitude non creada a través da aplicación e presentada no centro.
Oferta prazas curso 24/25
Idicámosvos a oferta de prazas prevista para o videiro curso 24/25. Estas prazas poderán sufrir modificacións antes da publicación provisional de admitidos.
CURSO | PRAZAS OFERTADAS |
1º ESO | 10 |
2º ESO | 0 |
3º ESO | 0 |
4º ESO | 5 |
1º BACHARELATO CIENCIAS | 30 |
1º BACHARELATO SOCIAIS E HUMANIDADES | 30 |
2º BACHARELATO CIENCIAS | 5 |
2º BACHARELATO SOCIAIS E HUMANIDADES | 10 |
Os trastornos alimentarios
O venres, 16 de febreiro, o alumnado de psicoloxía tivo unha charla impartida pola psicóloga da Asociación de Bulimia e Anorexia de Pontevedra para coñecer máis a fondo os problemas relacionados cos trastornos alimentarios. Queremos agradecervos a completa e clara exposición do tema que recibimos e ter resolto moitas das nosas dúbidas.
Deixamos o contacto da asociación:
BOUZAS: Calle Camilo Veiga 44, Bajo, Vigo 36208
Teléfono: 698 14 53 46
Visita a Santiago
O pasado 20 de febreiro, as alumnas da materia de Historia da Arte de 2º de bacharelato participaron nun obradoiro de Arte e Igualdade no Centro Galego de Arte Contemporánea, visitaron as cubertas e o interior da Catedral de Santiago e asistiron a unha charla sobre a ABAU e a USC no paraninfo da Facultade de Xeografía e Historia.
Proceso admisión 24/25
No arquivo adxunto tedes información de interese sobre o proceso de admisión para o vindeiro curso 24/25.
A escritora Xulia Alonso no noso centro
Por segundo ano recibimos a visita de Xulia Alonso para falarnos do seu libro Futuro Imperfecto. Puidemos comprobar de novo o agradable e útil que é falar con ela. Recomendamos a experiencia a todos os institutos e esperamos poder repetila o próximo ano. Moitas grazas Xulia.
Convocatoria axudas formación linguas estranxeiras
Vense de publicar a orde na que se convocan axudas para a realización de actividades de formación en linguas estranxeiras para alumnado de primeiro e segundo de bacharelato:
Prazo de presentación de solicitudes: ata o 12 de marzo.
ROUSAT, uha odisea no ROU
Alumnado de 2º Bacharelato do noso IES está construindo o ROUSAT-01, para participar no CanSat 2024.
O desafío CanSat é unha iniciativa da Axencia Espacial Europea que reta a estudantes de toda Europa a construír e lanzar un mini satélite do tamaño dunha lata de refresco.
Aquí tedes algunha imaxe do comezo do proxecto.
- « primeira
- ‹ anterior
- 1
- 2
- 3
- 4
- 5
- 6
- 7
- 8
- 9
- …
- seguinte ›
- última »