Un ano máis realizamos as xornadas de acollida para facilitar o acceso do alumnado de 6º de EP dos colexios adscritos ao IES.

Teremos unha reunión coas familias para explicar as características dos novos estudos e o funcionamento do centro e tamén recibiremos dentro do horario lectivo ao alumnado de 6º para que coñezan as instalacións e as actividades que realizamos durante o curso.

REUNIÓN COAS FAMILIAS DO ALUMNADO DE 6º DE EP: LUNS 5 DE XUÑO ÁS 7 DA TARDE.

ALUMNADO DO CEIP EMILIO NAVASQÜES: MÉRCORES 7 DE XUÑO.

ALUMNADO DO CEIP DA SERRA DE OUTES: MÉRCORES 14 DE XUÑO.

Como en cursos anteriores realizaremos unhas xornadas informativas coas familias do alumnado de 3º e 4º de ESO nas que explicaremos as opcións que terán para continuar os seus estudos e podan efectuar unha a matrícula acorde aos seus intereses.

FAMILIAS DO ALUMNADO DE 3º ESO: XOVES 15 DE XUÑO ÁS 7 DA TARDE.(Data trasladada do día 12)

FAMILIAS DO ALUMNADO DE 4º ESO: LUNS 31 DE MAIO ÁS 7 DA TARDE.

Un ano máis estamos a realizar as xornadas informativas coas familias e o alumnado de 6º de Educación Primaria dos colexios adscritos. O obxectivo é que coñezan o centro e as novidades coas que se atoparán co inicio dos estudos de ESO.

O vindeiro mércores 10 de xuño teremos unha reunión coas familias as 7,30 da tarde para despexar as posibles dúbidas que poidan existir sobre a próxima escolarización do alumnado.

Finalizaremos estas xornadas coa visita do alumnado dos dous CEIPs o xoves 11 de xuño. Verán as instalacións e unha presentación coas actividades máis frecuentes que se realizan no IES así como as materias que terán que cursar.

Como todos os cursos realizaremos unhas xornadas informativas coas familias do alumnado de 3º e 4º de ESO nas que explicaremos as opcións que terán para continuar os seus estudos o vindeiro curso e podan efectuar unha a matrícula acorde aos seus intereses.

FAMILIAS DO ALUMNADO DE 3º ESO: MARTES 2 DE XUÑO ÁS 7,30 DA TARDE.

FAMILIAS DO ALUMNADO DE 4º ESO: XOVES 11 DE XUÑO ÁS 7,30 DA TARDE.

Dentro do Plan director para a Convivencia e Mellora da Seguridade Escolar para o curso escolar 2013-2014 organizamos unha charla dirixida ás familias do alumnado na que trataremos os "Riscos de seguridade asociados ás novas tecnoloxías e ao uso de redes sociais, especialmente acoso sexual "child grooming", ou difusión de contidos de natureza sexual por teléfonos móbiles "sexting", venta de nenos prostitución infantil e utilización dos nenos na pornografía.

Axentes da Garda Civil explicarán os problemas más habituais relacionados con este tema e darán consellos para tratar de evitalos. Enlaces de interese facilitados nesta reunión

HORARIO:  Mércores 29 de xaneiro as 19 horas na sala de audiovisuais do IES.

Durante os días 23 e 24 de maio desenvolveranse no IES Poeta Añón unhas Xornadas informativas dirixidas ao alumnado de 3º e 4º de ESO, PCPI, e EPA. Están tamén abertas para as familias interesadas no futuro escolar dos seus fillos.  acceso ao programa

23 de maio as 19 horas. Opcións educativas e saídas profesionais.

24 de maio as 19 horas. Recursos para a mocidade de Outes.

Estas xornadas están incluídas dentro do programa de Actividades para a prevención do fracaso e redución do abandono escolar que organiza o Concello de Outes.

O Concello de Outes organiza unhas Actividades para a prevención do fracaso e redución do abandono escolar.

No seguinte folleto tedes a información sobre todas as actividades, os teléfonos e os lugares de contacto. folleto informativo

A exposición CARTAS DE AMOR visita o noso centro. Trátase dunha iniciativa da Secretaría de Igualdade da Xunta de Galicia, en colaboración con El Patito Editorial, na que 15 artistas ofrecen a súa visión sobre a violencia de xénero. 

Ilustradores de sona como MiGUEL CALATAYUD, PATRICIA CASTELAO,FAUSTO ISORNA, J. LUIS MÉNDEZ, JACK MIRCALA, JAVIER OLIVARES, DAVID PINTOR, PIRUSCA, PRIMITIVO, SONIA PULIDO, PACO ROCA, SERGI SAN JULIÁN, EVA VÁZQUEZ  e ÓSCAR VILLÁN, con textos da escritora galega Anxos Sumai.

O obxectivo é sensibilizar á poboación máis nova, facendo reflexionar ós adolescentes sobre a existencia de violencia nos seus hábitos sociais para, deste xeito, axudar a detectala e a eliminala.

As láminas que podedes contemplar no patio central do IES van acompañadas dunha mostra bibliográfica de literatura infantil e xuvenil facilitada pola biblioteca da FUNDACIÓN NOVACAIXAGALICIA de Santiago. 92 títulos que nos invitan a LER PARA VIVIR EN IGUALDADE.  No seguinte documento atoparedes algunhas desas suxestións de lectura, con un pequeno resumo do argumento.