Estimadas familias e alumnado,
Como é sabido, a Consellería de Educación publicou na súa páxina web un "Protocolo de Adaptación ao Contexto do Covid" de obrigado cumprimento para o curso escolar que está a piques de comezar. O Equipo Directivo xunto co persoal non docente, estamos traballando, segundo as nosas posibilidades, para adecuar os espazos e a organización do centro e conseguir un entorno o máis seguro posible.
Polo tanto, pregamos sigan con atención estas normas básicas:
- Non se poderá acudir ao Centro con sintomatoloxía compatible co Covid ou se está en corentena por convivir ou ter contacto estreito con persoas diagnosticadas.
- O alumnado chegará ao centro alomenos cinco minutos antes da hora de comezo dos exames, coa súa propia máscara posta. Aquelas persoas que estean dispensadas da obrigatoriedade de levar máscara, deberán acreditalo documentalmente.
- Fará a entrada polo portal exterior e avanzará en fila de un, respectando a distancia de seguridade de 1.50m, polo carril dereito marcado no chan, ata a porta do edificio.
- Debe hixienizar as mans a entrada do edificio co dispensador situado na parede.
- Seguirá as instrucións da persoa presente na entrada para dirixirse á aula que lle indique.
- Para a realización das probas, deberá vir provisto do material necesario, dado que non é posible compartilo.
Na Aula:
- Debe permanecer coa máscara posta en todo momento.
- Debe hixienizar o pupitre e a cadeira que lle indiquen, usando un pano de papel e desinfectante situados a entrada da aula.
- Debe seguir as normas indicadas polo profesor para recoller, realizar e entregar o exame.
- Non debe moverse do seu posto ata que llo permitan.
- Antes de abandonar a aula, debe usar o papel e o desinfectante para limpar pupitre e cadeira.
- Cando saia da aula, deberá seguir as rutas indicadas no chan e respectar as indicacións e a distáncia de seguridade ata abandonar o recinto escolar.
