Gañadora única de 3º ESO, neste caso de 3ºA, Claudia Martínez Romero.

Se queres lelo preme no seguinte enlace. 

3ºA

Segue participando!

En relación co proxecto que este curso estamos a desenvolver co alumnado de 4º de ESO, En paradoiro descoñecido, desde o pasado 19 de novembro contamos coa exposición “Exilio e Deportación, de Monterrei e Boborás aos campos nazis”.

O autor é D. Heladio Anxo Fernández Manso e formou parte da homenaxe que a asociación cultural ‘Monterrei, cultura e territorio’ lle tributou ao veciño de Estevesiños (Monterrei), Joaquín Balboa, preso no campo de Mauthausen durante a II Guerra Mundial, no verán do 2016.

A exposición consta de 14 paneis que inclúen un breve texto de presentación, testemuños directos e imaxes.

O obxectivo é dar a coñecer as experiencias vividas polos exiliados republicanos españois deportados aos campos nazis, tendo como referencia os casos concretos de Joaquín Balboa (deportado ao principio da II GM) e Antonio Pérez (de Boborás, membro da Resistencia francesa). As mulleres teñen tamén o seu espazo como vítimas do fascismo, con Mercedes Núñez Targa como exemplo máis próximo.  

A exposición veu acompañada de material complementario: un cuestionario para axudar a súa lectura e comprensión (traballado na área de Xeografía e Historia), e o documental da TVG protagonizado por Joaquín 'Mauthausen, regreso ao campo da morte'. Ademais, o luns 26 de novembro o profesor da materia de 2º de Bacharelato Holocausto e Memoria do IES Politécnico de Vigo, D. Xoán Manuel Garrido Vilariño impartiu unha charla sobre o tema titulada "Destino descoñecido: galegos e galegas no holocausto". Todos estes recursos serviron para profundizar no coñecemento da historia dos nosos deportados.

Estará exposta no noso centro ata o día 30 de novembro, data na que continuará a súa viaxe por outros centros de Galicia, tal como aconteceu durante todo o pasado curso. O seu seguinte destino inmediato será o IES Chano Piñeiro de Forcarei. 

GAÑADORES/AS CONCURSO RELATO CURTO NOVEMBRO | IES Pedras Rubias
[url=http://www.g133byl2v8mio50ts8157tf949f99kops.org/]udnoechpne[/url]
dnoechpne http://www.g133byl2v8mio50ts8157tf949f99kops.org/
adnoechpne

Durante o 30 e 31 de outubro os alumnos/as de 3º da ESO realizaron dúas etapas do camiño de Santiago. O primeiro día partiuse desde Arzúa para chegar a Arca do Pino, onde se fixo noite. O día seguinte houbo que madrugar para iniciar a etapa final e poder chegar con tempo a visitar a Catedral de Santiago.

O pasado mércores 14 de novembro o alumnado de 4º de ESO fixo unha saída a Santiago de Compostela e realizou varias visitas.

Pola mañá, percorreron a exposición de Castelao Maxistral no Gaiás. Ademais de contemplar o impresionante óleo pintado por Castelao en Bos Aires A derradeira leición do mestre en homenaxe ao seu amigo Alexandre Bóveda, fusilado o 17 de agosto de 1936, fixeron un percorrido polo sistema educativo público do primeiro terzo do século XX a través dos debuxos dedicados á ensinanza primaria.

A continuación, dirixíronse ao IES de Ames, o outro instituto galego que está a realizar o proxecto sobre a Memoria Histórica En paradoiro descoñecido. Unha representación do alumnado e profesorado agasallounos cun acto moi emotivo no que se compartiron lecturas, regalos, risos...

De volta a Santiago, logo dun breve tempo para xantar, visitaron en San Domingos de Bonaval a exposición Alba de Gloria.Unha experiencia, organizada polo Consello da Cultura Galega. A partir do derradeiro discurso que Castelao deu o 25 de xullo de 1948, de forma virtual, o alumnado puido contemplar a Santa Compaña integrada polas grandes figuras da ciencia e das letras da nosa historia (Prisciliano, Xelmírez, o mestre Mateo, Martín Códax, Inés e Xohana de Castro, Pedro Madruga, Padre Sarmiento, Rosalía de Castro...).

O pasado martes 13 de novembro tivo lugar o magosto terrorífico do IES Pedras Rubias, fusión de dúas festas tradicionais e próximas no tempo: o magosto e o samaín. Inicialmente, estaba previsto para o venres 9, pero houbo que adialo pola metereoloxía adversa.

A semana anterior, nas aulas de Lingua Galega e Titoría, traballáronse aspectos como o magosto tradicional, a santa compaña, o texto instrutivo... Tamén se decorou o vestíbulo do centro con motivos de medo (pantasmas, arañas, morcegos...) e realizouse unha exposición de calacús e de receitas escritas elaboradas con produtos de outono. Unha novidade deste curso, e que tivo grande acollida, foi a presentación, valoración e posterior degustación das sobremesas realizadas cos devanditos produtos de outono.

O día 13, disfrazados de Santa Compaña, desprazámonos ata a encrucillada dos Sete Camiños. Alí asistimos a unha representación teatral da obra adaptada de Luis Jaraquemada titulada A Santa Compaña.

Posteriormente celebramos un magosto tradicional no campo de terra do instituto.

Premiouse a aula que mellor organizou a actividade de forma global (calacús, receitas, magosto e santa compaña) A gañadora foi 2º B, de novo da titoría do profe Rubén. Noraboa!

 O pasado 29 de outubro visitounos a escritora Lola Gándara, autora dos libros Alexandra e A escura luz do Tíber. Estes dous títulos foran lidos polo noso alumnado de 2º, 3º e 4º de ESO o pasado curso, pero por motivos persoais da escritora o encontro tivo que agardar ao presente curso.

 Lola Gándara deu resposta ás preguntas formuladas polo alumnado, explicou a súa técnica novelística, deu a coñecer o gran coñecemento de historia e mitoloxía que posúe, e compartiu algunhas experiencias persoais.

 Tamén houbo tempo para a emoción cando se produciu o reencontro cunha ex-alumna súa, Blanca, actual profesora de Física e Química do noso centro.

Este curso vaise levar a cabo co alumnado de 4º de ESO un proxecto denominado “En paradoiro descoñecido”.

 Trátase dun proxecto internacional e colaborativo de 20 institutos de educación secundaria (4 en Francia e 16 en España) a través de eTwinning.

 O obxectivo fundamental é sensibilizar e implicar ao alumnado na herdanza cultural para desenvolver un pensamento libre, e rescatar da memoria colectiva os milleiros de persoas desaparecidas durante o Franquismo, hoxe en paradoiro descoñecido. 

Dada a boa acollida do pasado curso, o departamento de Lingua Galega e Literatura decidiu darlle continuidade no presente curso ao concurso de relato curto.

Consulta as bases no arquivo adxunto de cartel.

E se queres ler os relatos gañadores do mes de outubro, podes facelo premendo no curso:

1º D

4º A

4º B

4º C

Noraboa e a seguir participando!