Skip to Content

Actividades

Arqueoloxía no castro das Barreiras

Este ano, o alumnado de 1º ESO tivo a oportunidade de visitar o castro das Barreiras e charlar co seu arqueólogo, Tito Concheiro. Durante a visita, afondamos na historia da Cultura Castrexa, explicounos como influíron os castros na maneira de ocupar o territorio hoxe en día, e tamén nos desvelou as claves da técnica arqueolóxica.

Algún xa quedaba de boa gana a remexer na terra!

A Santiago vou lixeiriño...

Alumnado de 1º e 2º ESO pasaron unha xornada en Santiago de Compostela realizando varias actividades relacionadas coas materias de Historia e Ed. Física.

Comenzaron por unha visita ás institucións galegas: primeiro a sede da Xunta de Galicia en San Caetano e despois o Parlamento e moitas das súas salas de traballo. A continuación, puxeron a proba as súas forzas cunha actividade de escalada en rocódromo, onde demostraron ter moita habilidade e coordinación. Xa ao mediodía, xantaron de picnic na Alameda, algúns colleron de ganchete ás Marías... e rapidamente estiveron listos para reanudar a marcha. O día rematou cunha xincana polo casco vello da cidade para coñecer algúns trazos da vila medieval que foi.

Preme AQUÍ para ver máis fotos da experiencia.

Visitamos Moraime e deunos por escribir...

O alumnado de 2º e 3º ESO da materia de Historia puideron este ano achegarse aos traballos de restauración realizados na igrexa de S. Xiao de Moraime, da man da propia restauradora. Durante a visita o alumnado observou e preguntou por moitos aspectos sobre o proxecto de restauración, desde o seu financiamento, á posta en valor dun ben patrimonial, ou o papel que temos cada un de nós no seu coidado.

A xornada deu de si, e houbo quen se animou a colaborar nunha pequena revista dixital relacionada co patrimonio cultural, que por certo, celebramos este ano 2018 a nivel europeo.

1º ESO visita Dombate, Buño e Borneiro

Á volta do Entroido, o alumnado de 1º ESO visitou o Centro Arqueolóxico de Dombate para coñecer de primeira man unha das expresións máis senlleiras do Megalitismo en Galicia. Ao rematar, achegámonos a Buño onde tivemos a oportunidade de traballar o barro segundo a tradición oleira da zona no Ecomuseo Forno do Forte. Xa no camiño de volta, fixemos unha parada exprés no castro de Borneiro para realizar o recoñecemento das partes habituais dun asentamento castrexo…

Todo isto ata que a choiva lle puxo fin á actividade! Proba superada!

Escola embaixadora

 O IESP Pedra da Aguia foi un dos catro centros escollidos pola Oficina de Información do Parlamento Europeo en España para participar no programa de Escolas Embaixadoras, que pretende fomentar o coñecemento activo da Unión Europea e do labor do seu Parlamento. A selección implica crear un punto de información no instituto que sirva para dar visibilidade na bisbarra ós proxectos que se abordan na UE.

Visita ó castelo de Vimianzo

   O pasado 19 de decembro o alumnado de Historia de 2º ESO visitou o castelo de Vimianzo para coñecer in situ un anaco da nosa Historia. A través desta construción medieval, o alumnado coñeceu como eran as relacións sociais, políticas e económicas naquela época. Tamén realizou un roteiro fotográfico por equipos para coñecer as distinas partes do castelo usando dispositivos móbiles.
 
Distribuir contido


by Dr. Radut