Skip to Content

Bioloxía e xeoloxía, Novas, Actividades, Programación, Ligazóns de interese, Pendentes

Entrega de premios Consumópolis 14

O pasado 14 de xuño Laura Sar, Noa Tedín, María García e Andrés Parga tiveron unha cita en Santiago de Compostela, na Escola Galega de Administración Pública, para recibir o 1º premio a nivel autonómico na categoría correspondente ao alumnado de 1º e 2º ESO, que lles foi outorgado no concurso Consumópolis 14: Pola túa seguridade, sabes o que consomes?

O equipo autodenominado "Canicas" fixo unha exposición de calidade, orixinal e chea da naturalidade que tanto caracteriza a esta rapazada. Avogaron polo consumo responsable defendendo a versatilidade do seu produto, a Reverseta, e fixeron fincapé tamén no impacto social e ambiental da prenda.

Sabes o que comes?

Hoxe, 28 de maio, con motivo da conmemoración do Día Nacional da Nutrición, que celebra a Federación Española de Sociedades de Nutrición, Alimentación e Dietética na súa XVIII edición, propoñémosvos resolver este pequeno test (publicado na páxina de antena 3 noticias) para comprobar canto sabedes sobre alimentación saudable.

Animádesvos?

Volven os almorzos saudables!


Xa están de volta os almorzos saudables. Desta quenda, tócalle ao alumnado de 1º e 4º de ESO gozar destas equilibradas propostas para comezar ben o día desde o punto de vista nutricional.

Lembramos que se trata dunha colaboración interdisciplinar das materias de Bioloxía e Xeoloxía, Tecnoloxía, Hábitos saudables e Educación física, coa implicación dos programas DAFIS (espazo Actívate) e Consumópolis.

Para ver as fotos das xornadas, preme aquí.

Canto sabemos da linguaxe publicitaria?

O vindeiro luns 13 de maio contaremos coa presenza de tres técnicas do Instituto Galego de Consumo que darán unha charla sobre linguaxe publicitaria, para concienciar á comunidade educativa sobre como nos condiciona este aspecto á hora de consumir.

A actividade forma parte do programa Consumópolis, no que o noso centro participa co proxecto "Repensa a túa despensa" e que ten como obxectivo fomentar o consumo responsable.

Produtos responsables

Aquí tedes os produtos de consumo responsable que os equipos participantes no concurso Consumópolis enviaron ao Instituto Galego de Consumo a semana pasada.

Empaquetando os produtos de consumo responsable

Xa están os produtos empaquetados e listos para seren enviados. Remátanse polo tanto as xuntanzas no taller.

Agora a rapazada terá que elaborar unha memoria na que se reflicta todo o traballo realizado, así como a súa experiencia e o aprendido durante o trasncurso do proxecto.

Ánimo! Recta final consumópolis!

Distribuir contido


by Dr. Radut