Isto foi o que se fixo no presente curso:
Durante o curso 2022-2023, nas materias de Lingua Galega, Lingua Castelá e Inglés dos grupos de 3ºA e 3ºB da ESO fóronse desenvolvendo os contidos que aparecen nas fichas do programa “Quérote +”do Plan Proxecta. Ademais, contamos tamén coa participación da mestra de apoio para o traballo, sobre todo, co alumnado neae. A secuencia de actividades foi a seguinte:
Ficha 1: Fíxose una presentación do programa e informouse ao alumnado das diversas actividades e debates que se propoñían dende o programa. Tamén se fixo una primeira toma de contacto para ver o nivel de madurez e de coñecemento que había sobre os temas sexuais e sociais. Practicamos o acceso á plataforma e como ver todos os recursos que ten.
Ficha 2: Durante esta sesión o alumnado escribiu preguntas ou dúbidas que teñen sobre sexo, vida sexual, etc. Neste apartado o alumnado mostrou unha inactividade e desinterese total. Non quixeron preguntar nada e case non houbo debate sobre os anticonceptivos nin sobre os vídeos proxectados.
Ficha 3: Esta ficha desenvolveuse en dúas sesións. Este tema foi tratado como debate aberto na clase. A participación foi interesante e as opinións en xeral versaban sobre a liberdade e o respecto a calquera tipo de desexo ou identidade.
Falouse tamén de estereotipos e de como a linguaxe pode ter connotacións desagradables aínda que non haxa mala intención. Fixemos un xogo de intercambio de roles.
Por último, vimos a curta “Vestido novo”.
Ficha 4: Para esta ficha o titor preparou unha serie de preguntas referidas ó amor romántico, o seu significado e vixencia, os roles de cada xénero, as consecuencias sociais, etc.
Tamén vimos o vídeo das “Queer avengers” para entrar en contexto.
Esta ficha e a seguinte foron as que máis participación e interese espertaron nas/os participantes.
Ficha 5: Sobre sexo e tecnoloxía houbo varios debates abertos, con bastante participación.
Exploráronse diversas situacióne e cambios de roles. Non se falou só de whatasapp ou Facebook, senón da sexualización dos medios de comunicación, a publicidade, etc.
Visualizouse “Doble check”. Algunhas opinión estaban orientadas cara á relación dos rapaces e outras sobre as razóns que esgrimían ambos.
En xeral, as respostas do alumnado van moi encamiñadas a dicir o que se espera deles, pero nalgúns casos hai una preocupante tendencia ó control das parellas.
Ficha 6: Fixemos o rondó que propoñía a ficha e vimos as reaccións das persoas implicadas.
Na segunda sesión desta ficha vimos o vídeo sobre consentimento sexual. Tentamos contestar ás preguntas que aparecen na ficha e exploramos diversas situacións nas que pode haber malosentendidos ou complicacións en canto a relacións sexuais.
Por último, tamén se abordou o tema da autoestima, da aceptación e da relación entre medios de comunicación e imaxe social.
Ficha 7: Durante esta sesión estableceuse una liña base para empezar o debate. Non se fixeron grupos como propón a actividade, senón que se fixo de xeito grupal.
Vimos algúns vídeos de publicidade sobre preservatidos dende os anos 80 ata os nosos días e analizamos os cambios sociais que houbo sobre este tema.
Falamos sobre o embarazo e as consecuencias. Analizamos as diferenzas que existen arrredor deste tema entre xéneros e sociais.
Ficha 8: Nunha sesión valoramos os contidos que estivemos vendo nas fichas anteriores e falamos dos conceptos novos que aprendemos e se este tipo de programas son axeitados, se o alumnado está cómodo con este tema na aula, se se aproveitan, etc.
