O 18 de novembro o alumnado de 1º ESO B gozou dun obradoiro para a escrita do manifesto do Correlingua 2022 que levará por título, “Desata a lingua” e que foi impartido pola poeta, Lucía Aldao.
A través de exercicios lúdicos, puideron reflexionar sobre o idioma e puxeron en común ideas para contribuír á redacción deste documento; así xurdiron varias consignas que deixaron patente que o galego aínda ten futuro entre a xente nova, pois como dicían os nosos alumnos e alumnas, “o galego ten que ser eterno e onde nós vaiamos, a nosa lingua vai connosco”.
Moitas grazas, Lucía!
