Skip to Content

Actividades

Actividades realizadas polo EDNL

O NOSO ENTROIDO

O mércores día 7 de febreiro Xosé Manuel Seixas realizou unha exposición e charla das máscaras de Entroido que elabora el mesmo. Este artesán de vocación, realiza máscaras en diferentes materiais como coiro, madeira, cartón, costura, la, papel ou metal, despois de investigar sobre cada Entroido, indo aos lugares de celebración e obtendo información de artesáns das diferentes zonas. Cada ano forma parte do Entroido de Santiago de Arriba en Chantada vestindo traxes cerimoniais como o Meco, o Volante, o Maragoto e, ademais, ten vestido outros traxes como o do Felo en Maceda.

Xosé Manuel tamén nos falou do proceso de elaboración de máscaras de Entroidos fóra de Galicia como o de Sardeña, en Italia.

EN MARCHA PARA O CORRELINGUA!!

Como adianto do Correlingua, o pasado venres día 20 de outubro o alumnado de 2º ESO puido participar na redacción do seu manifesto a través do obradoiro "Desata a lingua" coa escritora Ana Carreira.
En primeiro lugar, a autora leu o manifesto do curso anterior que levaba o título "Na casa, na escola, bota a lingua fóra!". A continuación, os grupos de traballo escolleron imaxes e frases de inspiración para redactar algúns puntos para o próximo manifesto. Despois de escribilos, terían que colocar as imaxes, frases e as súas creacións nunha cartulina.
O resultado deste obradoiro xuntarase cos realizados noutros centros galegos e lerase no Correlingua, que terá lugar na terceira avaliación polas rúas de varias localidades e ao que asistiremos.
 

      

       

  

PRESENTACIÓN DO LIBRO, PISADAS LITERARIAS, club de lectura

Cartel da presentación do libro Pisadas Literarias

O alumnado do club de lectura, "Lecturas e andanzas I, II", presentará o seu libro, Pisadas literarias.

LUGAR: Auditorio do Vello Cárcere de Lugo.
DÍA: Luns, 19 de xuño
HORA: 18:30H 

Dende aquí convidámosvos a asistir a esta presentación. 

Club de lectura

GALA FINAL DE ENREDANDO CO GALEGO

O pasado venres 19 todos os participantes de ENREDANDO CO GALEGO, que comprendía alumnado desde 1º ESO ata 1º BAC, achegáronse ata o auditorio Gustavo Freire para celebrar a gala final dese certame. Alí gozaron co magnífico concerto de Fillas de Casandra e logo recolleron os premios ás composicións máis destacadas. Estes foron para Naiara Diéguez Romero (3º ESO), Pablo Dorado Loureiro (3º ESO), Abdesamad Aksasse (4º ESO), Laura García Castro  (4º ESO), Alba López  Yebra (4º ESO) e María Penín García (1º BAC). Outras/os compañeiras/os recibiron agasallos mediante sorteo.
Parabéns a todas e todos! Agardamos que sigades escribindo así de ben e que poidades participar o vindeiro ano.

GALA FINAL

CELEBRACIÓN DAS LETRAS GALEGAS

O pasado martes 16 de maio estivemos de celebración, era o día anterior ao Día das Letras Galegas e na entrada do noso centro quixemos facer unha pequena homenaxe a Francisco Fernández del Riego, á nosa lingua e á nosa cultura nun acto poético-musical. Participaron rapazada de 3º e 4ª ESO.
Máis info

LETRAS GALEGAS

EXPOSICIÓN LINGUAS MINORIZADAS

EDLG situou na entrada do noso centro unha exposición "SER LINGUA NON É FÁCIL" cedida polo STEG cuns paneis realizados pola Escola Oficial de Idiomas de Ourense que aportan información sobre a situación lingüística de diferentes lugares do mundo: Italia, Flandes, Portugal, Porto Rico... en diferentes etapas nas que había linguas débiles socialmente pero lograron a súa recuperación. Con isto vemos que a situación lingüística que temos en Galicia se deu noutros lugares e con vontade e compromiso se logrou manter viva a lingua propia. Agardamos que a concienciación nos leve pouco a pouco por estes camiños. Nas fotos vemos alumnado de 1º BAC recollendo información para logo traballar con ela nas aulas. 

Exposición Linguas MinorizadasExposición Linguas Minorizadas

PRESENTACIÓN ENREDANDO CO GALEGO

Un ano máis o noso centro participa no certame de creación EnRedando co galego promovido polo Concello de Lugo e a Asociación de Escritores en Lingua Galega. Fixeron a presentación Anxo Lamelo Lois Pérez o pasado venres 21 no salón de actos do centro á que acudiron alumnado de 3º e 4º ESO. Estiveron, asemade, o dúo Vaguedades formado por Isabel Risco Fran Rei que animaron á rapazada a usar e a valorar a nosa lingua a través dunha performance ateigada de comicidade e retranca. 

EnRedando co galegoEnRedando co galego

8M. RETRATO DE MULLERES

Na actividade promovida polo EDLG e o grupo de Biblioteca, todos e todas os/as participantes plasmaron, ao seu xeito, as pegadas das mulleres que consideraron “importantes” pola súa aportación á sociedade ou a nivel persoal. Aí estaban mulleres de distintos lugares, de distintas épocas; unhas máis coñecidas e outras menos, pero todas deixan ou deixaron  pegada no alumnado participante.
O xurado premiou os traballos  realizados por Moraima (1ºESOB), Narges (2ºESOB) e Mara (2ºESOC).

Moraima

 

NargesMara

DÍA DE ROSALÍA

O EDLG inmisciu, un ano máis, o alumnado de ESO,  Fpbásica e club de lectura para lembrar  que Rosalía de Castro segue estando presente e que a súa mensaxe está de plena actualidade. ELA comezou un camiño que nós, os/as seus/súas herdeiros/as, debemos seguir para conseguir que este mundo sexa un espazo onde non teñan cabida ningún tipo de inxustizas e que a IGUALDADE E O RESPECTO sexan as que rexan os nosos destinos.
Máis información

Día de Rosalía de Castro
Distribuir contido


by Dr. Radut