O pasado día 6 de abril cumpríronse 77 anos da publicación do Principiño
É un dos libros máis importantes do século XX, marcou o imaxinario de varias xeracións de lectores e deixou ensinos tanto para nenos como para mozos e adultos.
O Principiño, a historia de Antoine de Saint- Exupéry sobre un neno sabio e humilde do Asteroide B-612, que se fai amigo dun piloto varado no deserto, foi publicado por primeira vez o 6 de abril de 1943, en Estados Unidos pola editorial Reynal & Hitchcock. O título da obra marcou a lume o imaxinario de varias xeracións.
Ao comezo da historia, un piloto estrélase no Sahara e pronto se lle achega un pequeno príncipe que parece vir dun asteroide. Durante oito días, o principiño vai describíndolle de onde vén e a xente que coñeceu na súa viaxe lonxe de casa, cun motivo recorrente: os adultos son estraños. Aínda que con frecuencia llo etiqueta como un libro para nenos, O Principiño está cheo de reflexións filosóficas.
Nacido en Lyon, Francia, Saint- Exupéry escribiu a súa novela máis famosa en Nova York, durante un exilio autoimposto de dous anos. O autor era aviador, e facía voos de recoñecemento para Francia antes da ocupación alemá durante a Segunda Guerra Mundial.
Saint - Exupéry. Autor de "O Principiño" que escribiu en Nova York.
En 1935, ao tratar de romper o récord de velocidade para unir París e Saigón, estrelouse no Sahara. Moitos cren que esta experiencia inspirou fragmentos do libro. Tamén durante o seu exilio o autor creou todas as ilustracións en acuarela.
Bosquexos de "O principiño" de Antoine de Saint- Exupéry.
E un ano despois da publicación, o autor desapareceu no Mediterráneo mentres voaba nunha misión de recoñecemento para o seu escuadrón aéreo francés. Deixou un legado que inclúe oito libros, entre eles Correo do Sur, Voo Nocturno, e Vento, area e estrelas.
5 leccións de vida do principiño demostradas pola ciencia.
Podes visitar o seguinte enlace para aprender esas 5 leccións.
https://es.aleteia.org/2018/01/08/5-lecciones-de-vida-de-el-principito-demostradas-por-la-ciencia/?fbclid=IwAR1ScGMkyKUCCUa7wgIeA22BEdeu7TsR_zhdnM9tMOgP0zOwyZV57sc8aLU
Lectura do “Principiño”
https://www.elejandria.com/libro/descargar/el-principito/antoine-de-saint-exupery/104/1117
Podes descargar o libro en PDF.