Durante a semana do 14 ao 18 de Xaneiro, o alumnado de 3º da ESO e 1º de Bacharelato, puido gozar de cinco xornadas de esquí e snow. O tempo acompañounos, con ceos despexados e incluso calor en cotas baixas da estación, pero o xoves, para ledicia do alumnado puidemos ver nevar durante a mañá, fenómeno novo  para moitos deles . Despois das xornadas de esquí puidemos gozar de paseos pola capital Andorrana  e a última noite da nosa viaxe visitamos o centro termo-lúdico de Caldea.

                              Repetimos para o ano!!!

O martes 4 de decembro do 2018 celebrouse a votación para elexir os representantes do profesorado na xunta de persoal.

O número de candidaturas foi de sete: CC.OO., U.G.T., C.I.G., C.S.I.F., S.T.E.G., A.N.P.E. e U.S.O.G.

O resultado da votación quedou da seguinte maneira:

C.I.G.    : 14 votos.

U.G.T.   :   3 votos.

CC.OO.  :   2 votos. 

S.T.E.G. :   2 votos.

C.S.I.F.  :   2 votos.

A.N.P.E. :   1 voto.

U.S.O.G. :   1 voto.

O IES MONTE DA VILA REXEITA

A  VIOLENCIA DE XÉNERO

         05 - DECEMBRO - 2018                                                                                                                                                                           

Como podedes ver, cada vez somos máis no club de lectura. É unha actividade que está resultando moi atractiva para o alumnado e moi gratificante para a profesora Angeles De la Sota que organiza estas reunións.

No primeiro recreo acordamos facer uns debuxos para presentarlle a Manel Craneo, que virá ao noso centro a impartir un obradoiro. En xaneiro, temos a idea de facer ilustracións sobre zombies para o II Festival de Arte e Novela Negra, en referencia á obra Joe Álamo, Tom Z.

A recomendación para a segunda reunión é "A mansión dos Pampín" de Miguel Anxo Prado. Recomendóuselles tamén o maravilloso libro Ardalén e a curtametraxe De Profundis.

Tamén solicitamos recomendacións dos membros do club de lectura para a próxima compra de exemplares antes de Nadal.

       72 alumnos participantes de segundo e terceiro da ESO, acompañados polas profesoras Dna. Mª Sol Blanco Lamosa, Dna. Clementina García Moledo e os profesores D. Ricardo Santiago Mozos e D. Carlos Domínguez Soutullo, asistiu á representación teatral "20000 lieues sous les mers" de Julio Verne no teatro Principal de Pontevedra.

Na representación teatral comunicóusenos o amor a ciencia por parte do personaxe do profesor Aronnax, representado neste teatro por unha muller, tamén a necesidade de coidar os mares e océanos do noso planeta, onde viven tantas fermosas e abraiantes criaturas. Ao finalizar a obra os actores e actrices contestaron as preguntas do público allí asistente, moitas delas dos noso alumnado.

A saída do teatro fixeron un percorrido polos máis destacados monumentos da cidade: Casa do concello, estátua dos heroes de Pontesampaio, Biblioteca de centro Méndez Nuñez, etc.