Algún dos sistemas de telecomunicación que se incorporan na MarumaSat empregan os satélites para retransmitir información. Averigua que tipo de radiación empregan e a que distancia da superficie terrestre orbitan.
SATÉLITES
Aprende
Os sistemas de telecomunicación que empregan a transmisión por satélite funcionan con microondas e presentan a grande vantaxe de salvar grandes distancias sen ter en conta a topografía ou a orografía do terreo. Os satélites de comunicacións atópanse nunha órbita xeoestacionaria, é dicir, permanecen inmóbiles sobre un determinado punto do planeta. Para o lograr, compre que a súa velocidade de traslación sexa igual que a velocidade de rotación da Terra o que se consegue cando se atopan a uns 36.000 km de altura sobre o plano do Ecuador terrestre. Actúan basicamente coma un repetidor situado no espazo: recibe os sinais enviados desde a estación terrestre e as reenvía a outro satélite ou de volta aos receptores terrestres. Destínanse a emisións de televisión, de telefonía (por satétite), á transmisión de datos a longa distancia e a detección e difusión de datos meteorolóxicos. As antenas empregadas nas comunicacións vía satélite son as antenas parabólicas. |
|
Working satellite television. Wikimedia. Sebas007. Public domain. |
Licenciado baixo a Licenza Creative Commons Recoñecemento Non-comercial Compartir igual 4.0