Skip to Content

Somos Miraflores

Avda Miguel Hernández, 8. 15173- Oleiros (A Coruña).

Tno: 881 880 845. e-mail: ies.miraflores@edu.xunta.es

Defensa dos proxectos STEMbach

Durante a tarde do martes 14 de marzo o alumnado que cursa o segundo ano de STEMbach defendeu o seu traballo de investigación ante un tribunal formado por profesores da Universidade de A Coruña e do IES Miraflores. Nicolás Agüero, Diego Campo, Guillermo Amor e Daniel Sexto faláronnos de como traballaron no desenvolvemento e análise da propiedade de novos polímeros para realizar envases biodegradables e sen emisión neta de CO2, explicáronnos a montaxe e programación dun robot para que, de forma autónoma, identifique un obxecto e se dirixa cara el, ou do emprego dunha plataforma analítica de código aberto para construír e adestrar unha intelixencia artificial que recoñeza e clasifique imaxes. Ao longo das exposicións e diálogo co tribunal, os alumnos compartiron as súas experiencias traballando man a man con investigadores das áreas de física de materiais, ciencias da computación e tecnoloxías da información e relataron os retos e dificultades que xurdían nas diferentes fases do proxecto e como traballaron para superalas.


Os alumnos recibiron as felicitacións e parabéns dos membros do tribunal pola participación no programa, o desenvolvemento dos traballo e as defensas presentadas.

Actividades de Orientación

O martes 14 de marzo o alumnado de 4ºESO e 1ºbach asisitiron a unha charla sobre orientación vocacional e o venres 17 acudiron á feira Expoorienta.

PERCUSIÓN

O xoves 9 de marzo o alumnado de 2ºESO do IES Miraflores participou nunha masterclass de percusión.

 

Clasificacións V Carreira da Luz

O venres 21 de abril un grupo de afeccionados logramos celebrar a V Carreira da Luz conseguindo unha importante participación que servirá para colaborar coa fundación DIEGO GONZÁLEZ RIVAS.

Nos seguintes enlaces poderedes acceder ás clasificacións por cada categoría. A primeira columna indica o posto no que o/a participante entrou na meta en cada proba. Logo podedes ver o dorsal e a categoría.

Clasificación Prebenxamín

Clasificación Benxamín

Clasificación Alevín

Clasificación Infantil

Clasificación Cadete

Clasificación Xuvenil

Clasificación Júnior

Clasificación Promesa

Clasificación Senior

Clasificación Veterano

Clasificación Superveterano

En caso de calquera dúbida pódese enviar un correo a carreiradaluz@iesmiraflores.gal

Moitas gracias pola colaboración e axuda.

BOLSAS DO MEFP CURSOS POSTOBLIGATORIOS 23-24

Prazo presentación solicitudes do 27 de marzo ao 17 de maio. Procedemento exclusivamente telemático na Sede Electrónica.

Enlace 

V CARREIRA DA LUZ – IES MIRAFLORES

 CARREIRA POPULAR CON FINS SOLIDARIOS

VENRES 21 DE ABRIL DE 2023 ÁS 20:00 HORAS

POLÍGONO DE IÑÁS (OLEIROS)

INFORMACIÓN E INSCRIPCIÓN

 

Co fin de realizar unha actividade deportiva, á vez que solidaria, e que involucrase ao maior número de persoas de todas as idades e non só de Oleiros, senón tamén das localidades limítrofes, o IES Miraflores deseñou un proxecto de carreira popular, “A Carreira da Luz”, unha iniciativa que levaba organizando durante catro anos e que, lamentablemente, viuse paralizada por mor da pandemia.

Unha das máximas do IES Miraflores é educar en valores e inculcar boas prácticas como a cooperación e a solidariedade con aquelas persoas que sofren, por exemplo, mediante a participación en actividades deportivas e saudables, pois isto favorece e enriquece enormemente á nosa xuventude e, por extensión, á toda a sociedade.

Din que a forza está no impulso que outros/as corredores/as transmiten na carreira, e se a iso se lle engaden os beneficios da actividade física e a motivación de correr por unha boa causa sabendo que o teu esforzo contribúe a mellorar a vida doutras persoas, o éxito está garantido.

Nesta ocasión, dende o IES Miraflores tenderase unha liña de colaboración solidaria coa FUNDACIÓN DIEGO GONZÁLEZ RIVAS, entidade con selo galego, recentemente constituída, que ten como obxecto a investigación médica e que leva o nome do cirurxián coruñés que, desde hai máis dunha década, opera en calquera parte do mundo a persoas sen recursos e con enfermidades torácicas a través da técnica de cirurxía torácica Uniportal VATS.

Espectáculo poético

O alumnado de 4ºESO participou os días 9 (4ºESO B e C) e 3 de marzo (4ºESO A) no espectáculo poético realizado pola poetisa Yolanda Castaño, quen recitou algunhas das súas composicións, reproduciu varios dos seus videopoemas e comentou a súa experiencia de vivir da escrita en galego.

Xornada de aprendizaxe e análise do estado ecolóxico dun espazo natural

O alumnado de Bioloxía, Xeoloxía e Ciencias Ambientais, de 1º Bacharelato, acompañado por profesorado dos Dptos de Bioloxía e Educación Física e persoal do Grupo Naturalista Hábitat, visitou o ENIL Torre de Hércules para coñecer os hábitats de interese comunitario que existen na zona, as ameazas debidas ás especies exóticas invasoras (EEI) e os traballos de recuperación ambiental mediante voluntariado que O Grupo Naturalista Hábitat, en colaboración coa Universidade da Coruña e o Concello da Coruña veñen realizando na contorna, en particular a eliminación da EEI Carpobrotus spp. Durante a visita as alumnas e alumnos realizaron -baixo moi adversas condicións meteorolóxicas- mostraxes de campo para cuantificar a biodiversidade en parcelas ocupadas por Carpobrotus, parcelas non invadidas e parcelas que foron recuperadas tras a erradicación das EEI. A partir dos datos obtidos elaborarán un informe e compararán a biodiversidade nas diferentes parcelas e avaliarán a eficacia dos traballos de recuperación dos hábitats.

Miraciencia - Semana da prensa

Aproveitando que esta semana se celebra a Semana da Prensa, o alumnado das  materias de Cultura Científica de 4º da ESO e 1º de Bacharelato compartiu algunhas das noticias nas que traballou ao longo do curso. Estas noticias publícanse no xornal da materia, Miraciencia, fundado no 2022.

Masterclass "Física de partículas coas mans"

Os alumnos de Física de 2º de bacharelato, Iago Mella, Candela Moreno e Nicolás Agüero, tiveron a oportunidade de asistir á masterclass do IGFAE “Física de Partículas coas mans”, celebrada o venres 3 de marzo.

A xornada comezou na Aula Magna da facultade de Matemáticas da USC ás 9:30 e rematou ás 17:00.

Durante esa xornada, o alumnado asistiu a varias charlas impartidas por especialistas en física de partículas, realizaron os seus propios experimentos e, posteriormente, debateron os resultados a través de videoconferencia con investigadores do CERN e outros estudantes de diferentes países.

Aproveitando a ocasión visitaron algunhas outras facultades da USC.

 Seguro que desfrutaron moito e aproveitaron ao máximo a experiencia!

Distribuir contido


by Dr. Radut