Alumnos de 1º de Bacharelato participaron no primeiro intercambio Erasmus deste ano. O tema ten que ver co mundo do Márketing e as Iniciativas emprendedoras, polo que xunto con gregos, austriacos, checos e italianos estiveron planificando os seus futuros profesionais.
A experiencia foi do máis gratificante pois houbo desde traballo en aula, até charlas, bailes e festas. O proxecto continuará coa visita por parte doutros alumnos diferentes ao centro austriaco en maio.