Extraescolares

Visita a Santiago

O 5 de marzo de 2024 o Departamento de Xeografía e Historia realizou unha saída cultural a Santiago para os alumnos de 2º de bacharelato que cursan Xeografía, Historia da Arte e Patrimonio de Galicia.

Os alumnos/as de Xeografía, acompañados pola profesora Esther Sánchez Recio, participaron na XV Olimpíada de Xeografía, na facultade de Xeografía e Historia, convocada pola Delegación Territorial do Colexio de Xeógrafos de Galicia en colaboración co Departamento de Xeografía da Universidade de Santiago de Compostela. 

Os alumnos de Arte e Patrimonio de Galicia, acompañados pola profesora Beatriz Mera Pérez, foron visitar, mentres tanto, o casco histórico de Santiago, o Pazo de Xelmirez, a Catedral, as cubertas e o museo da mesma.  

Pola tarde todo o grupo visitou o Pórtico da Gloria, a Casa do Cabido e o Museo das Peregrinacións.

Pódense consultar as fotos da actividade na nosa galería Flickr.

Grecia 2024

Xa temos na nosa galería Flickr algunhas fotos da viaxe a Grecia. Pódense consultar nesta ligazón.

Excursión Fragas do Eume, maio 2023

Os días 3, 4 e 5 de maio o alumnado de 1ºESO disfrutou dunha excursión multidisciplinar organizada polos departamentos de Xeografía e Historia, Bioloxía e Educación Física nun entorno natural espectacular, as Fragas do Eume. 
O Albergue Alvarella xa é o 5º ano que acolle ao alumnado do instituto Manuel García Barros, un lugar entrañable tanto no paisaxístico como no humano. Alí esperaban as responsables de cociña, cunha comida rica e de calidade, os responsables da organización das actividades e loxística, quenes amosaron profesionalidade e amor pola natureza en todo momento; e Area, a cadela do albergue que se deixaba acariñar por toda a rapazada.
Comezouse a excursión cun roteiro guiado polo parque natural das Fragas do Eume e a visita ó Mosteiro de Caaveiro. Pola tarde, xa no albergue, explicáronse as regras, distribuíronse as funcións de poñer a mesa, servir, recoller e barrer en cada grupo e repartíronse as habitacións, momento especialmente esperado polo alumnado. 
A climatoloxía variable permitíu realizar case todas as actividades previstas salvo a de Orientaventura, a cal foi sustituída pola visita ao Museo de Historia Natural de Ferrol, experiencia interesante e recomendable. As demáis actividades: tiro con arco, orientación con brúxula e mapa, Slackline, recoñecemento de árbores, análise da vida nunha charca, visita ao Castelo dos Andrade e o xogo de pistas no casco histórico de Pontedeume, realizáronse con normalidade.

Viaxe a Mérida abril 2023, proxecto "Grecia e Roma nas túas mans"

   A semana pasada, os alumnos de Cultura Clásica de 3º de ESO e os de Latín de 4º de ESO e 1º de Bacharelato realizaron unha viaxe de estudos a Mérida, dentro do proxecto de Agrupación de Centros "Grecia e Roma nas túas mans", acompañados polos profesores Marisa Otero e Álvaro P. Vilariño.
   Dentro das actividades realizadas destacamos o obradoiro de Numismática romana, onde cada un de nós elaborou unha réplica dun dupondio do século I a.C., e o obradoiro de Mosaico, onde o noso grupo fixo unha reprodución do mosaico de Panxón, hoxe en Londres, e moi pronto de volta a Galicia.
 
   Ademais visitamos a Mérida romana: acueductos, circo, teatro e anfiteatro, Museo de Arte Romano, Templo de Diana, ponte e antigas murallas da cidade...
   Baixo unha calor insólita para esta época do ano, pasamos unhas xornadas inesquecibles xunto cos nosos compañeiros do IES Sáenz de Buruaga de Mérida e o IES 9 de Octubre de Carlet. Neste álbum recollemos todas as imaxes destes días.
Viaxe a Mérida abril 2023

Exposición “7 carteis inspirados por Saul Bass” nos Minicines Central de A Estrada.

O alumnado de segundo de bacharelato de Artes convídavos á inauguración da súa exposición de carteis de cinema inspirados na obra de Saul Bass. Será este sábado 29 ás 12h nos Minicines Central. Os carteis estiveron expostos na cafetería do Centro ata este venres. Podedes consultar a nova publicada hoxe en Faro de Vigo.

Día da EF na Rúa na Estrada

O alumnado de 2° da ESO participou da actividade organizada polo departamento de EF, conxuntamente con resto de centros escolares do Concello, dentro da Agrupación Deportiva Escolar da Estrada e coa colaboracion do Servizo de Deportes do Concello.
Esta convocatoria do COLEF, para dar visibilidade á materia de EF e reivindicar a necesidade dunha terceira hora no currículo para esta materia, foi un éxito, contando con 400 participantes que  xogaron nas rúas da nosa vila ao longo da mañá.
Recóllese a nova na prensa, ocupando ás portadas da prensa local:
Faro de Vigo                       La Voz de Galicia 
                        

Viaxe a Praga de alumnado de Bacharelato, marzo de 2023

Entre o 16 e  20 de marzo de 2023, un grupo de 46 alumnos e alumnas viaxaron a Praga con 4 profesoras do instituto, coa finalidade de descubrir unha das cidades máis bonitas e de maior interés cultural e artístico de Europa. Tiveron a ocasión de asistir ao famoso Teatro negro, e coñecer en directo a orixinalidade do mesmo. Outra visita moi destacada foi a do Campo de concentración e ghetto de Terezin. Foi impactante para todos e todas poder coñecer de primeira man como o ser humano puido sobrevivir ao brutal trato naquelas instalacións.
Destacar, coma sempre, o comportamento exemplar do noso alumnado que, desta maneira, nos seguen dando razóns para realizar actividades de tanto calado como esta.

UniStem 2023 co alumnado de Bacharelato

Un ano máis fomos convidados ao UniStem. Moitas grazas á organización, foi unha mañá fabulosa na que as nosas alumnas e alumnos  saíron cun moi bo coñecemento do que son as células nai, as posibilidades que teñen, e o futuro que traen "baixo o núcleo". E dende logo, tamén sentiron a paixón dos investigadores e investigadoras no seu traballo, e a súa xenerosidade ao compartir connosco os seus estudos.

Representación do IES Manuel García Barros no Campionato Galego de Campo a Través, XOGADE 2023

   O pasado sábado 4 de marzo celebrouse o Campionato Galego de Campo a Través na Pobra do Caramiñal coa representación do IES Manuel García Barros. As alumnas de 1º da ESO Lidia Calviño e Carla Pintor disfrutaron desta experiencia grazas á súa clasificación nas fases previas. Parabéns ás dúas pola súa boa actuación nesta proba e polo súa actitude de esforzo e superación en todas as carreiras nas que participaron representando ao noso centro.

   O departamento de educación física quere agradecer a Marcos Otero, adestrador do Clube Atletismo A Estrada, o seu ofrecemento para actuar como responsable das dúas alumnas, a pesar de que unha delas non pertence ao seu clube, acompañándoas en todo momento no día da proba.

Campionato Provincial XOGADE de Campo a Través en Vigo

   O alumnado clasificado na fase zonal da proba de campo a través do XOGADE tivo a oportunidade de participar, o pasado domingo 12 de febreiro, na fase provincial en Vigo.

   Na categoría cadete asistiron Noa de Oliveira, Noa Ortega e Manuel Souto, e na categoría infantil Lidia Calviño e Carla Pintor, estas dúas últimas clasificadas para o Campionato Galego Escolar que se disputará o vindeiro 4 de marzo na Pobra do Caramiñal.

   Parabéns a todos pola súa participación e agradecer o esforzo das familias para que o alumnado puidese partipar neste evento.

Viaxe á estación de esquí Valgrande-Pajares do alumnado de 3ºESO.

   Despois duns anos nos que non puidemos facer viaxes á neve, por mor das restriccións para a prevención da COVID-19, neste ano 2023 retomamos estas viaxes para iniciar ao alumnado na práctica de deportes de neve.
   O alumnado de 3º da ESO puido disfrutar de 3 días na Estación Invernal de Valgrande-Pajares, aloxados ao pé da pista e aproveitando ao máximo a neve, que neste caso non faltou.
   As condicións climatolóxicas non foron as mellores, tendo dous días a zona alta da estación pechada, pero a actitude positiva e as gañas de aprender do noso alumnado fixo que a experiencia resultase excelente.
   Gustaríanos trasmitir os nosos parabéns aos participantes e as súas familias pola colaboración e por ter participado nesta actividade organizada polo departamento de educación física do IES.

Visita ao marco de Vigo

   O día 21 de Decembro alumnado de Artes de 1º e 2º foron de visita ao Marco de Vigo, onde fixeron un obradoiro e unha visita guiada á expo de Francisco Leiro.

Visita ao parlamento de Galiza

   Alumnado de 4º ESO e 1º Bacharelato visitaron na mañá do día 21 de Decembro o Parlamento de Galicia. Durante o percorrido aprenderon as funcións, a organización e a historia da institución; accederon ás dependencias máis solemnes do pazo do Hórreo como o Salón dos Reis, a Biblioteca, os patios interiores e o Hemiciclo, onde presenciaron unha sesión plenaria. Para rematar percorreron o casco histórico de Santiago visitando a Praza de Praterías, a Quintana, o Obradoiro e a Catedral.
   Acompañaron aos alumnos as profesoras Beatriz Mera, Esther Sánchez e Raquel Carballo.

Visita Á Coruña co alumnado de 1º Bach

   O martes 8 de novembro visitamos a facultade de Ciencias da Actividade Física e o Deporte en Bastiagueiro e dúas exposicións no centro de Coruña, unha sobre intelixencia artificual e outra sobre obras mestras da cultura asiática.  
Rematamos facendo un percorrido de orientación polo centro de Coruña.

“Grecia e Roma nas túas mans” agora tamén na prensa...

   A prensa local faise eco das actividades realizadas no proxecto de agrupación de centros “Grecia e Roma nas túas mans”. Podedes ler a nova no Faro de Vigo.

Distribuir contido