BENVIDAS E BENVIDOS
Ola a todas e todos! somos as orientadoras do IES Luís Seoane.
Quero aproveitar para desexarvos un bo curso.
Necesito compartir con vos o enderezo no que podedes poñervos en contacto con nos é orientacion.ies.luis.seoane@edu.xunta.gal.
Neste enderezo podedes solicitar cita previa para falar conmigo ou solicitar que vos chame por teléfono ou facerme calquera pregunta e vos contestarei canto antes. Se necesitades contactar con urxencia mandade unha mensaxe pola mensaxería interna da aula virtual.
Ánimo neste comezo!!
XORNADAS DE PORTAS ABERTAS USC
A Universidade de Santiago de Compostela celebrará os vindeiros 13, 14 e 15 de xuño en Santiago e o 20, 21 e 22 de xuño en Lugo as “Xornadas de Portas Abertas: Coñece a USC”
Estas Xornadas están dirixidas ao estudantado que ven de realizar as probas das ABAU, e que vai entrar na Universidade, para que poida achegarse as titulacións de Grao que lle poidan interesar da nosa Universidade.
Solicitámovos a vosa colaboración para que difundades esta información entre o voso estudantado e ANPAS, se o considerades oportuno, do voso centro.
Os/as interesados/as poderán inscribirse mediante o seguinte formulario https://forms.office.com/e/PnyEqwzmv0 indicando o número de asistentes (no caso de vir con algún acompañante) e seleccionando as titulacións que queren visitar. As titulacións están agrupadas polos centros no que se imparten. Cada unha poderase visitar no horario indicado no formulario.
Por se facilita a elección dos Graos que se queren visitar achegamos un arquivo pdf con toda a oferta de titulacións que abren as súas portas e os seus horarios.
O prazo de inscrición rematará o día martes, 11 de xuño ás 14 horas para o Campus de Santiago e o luns, 18 de xuño ás 14 horas para o Campus de Lugo
Moitas grazas pola vosa colaboración,
Maite Flores Arias
Delegada do Reitor da USC para Asuntos de Ensino Medio
Representante da USC na Comisión Interuniversitaria de Galicia (CiUG) (http://ciug.gal/)
Coordinadora do Programa “A Ponte entre o Ensino Medio e a USC” (http://www.usc.gal/aponte)
Coordinadora do Programa STEMbach da USC (https://www.usc.gal/gl/stembach)
Universidade de Santiago de Compostela