Aula de teatro

Este martes 9 de outubro púxose en marcha a Aula de Teatro no noso IES grazas ao entusiasmo  e coñecementos, avalados pola súa experiencia noutros centros educativos, do profesor de Lingua Castelá, Afonso García Penas. A súa iniciativa contou, desde o primeiro momento, co apoio do Equipo Directivo e do Claustro de profesores.

O Teatro é unha ferramenta moi útil para adquirir maior seguridade e autocontrol, desenvolver as capacidades relacionadas coa comunicación e fomentar as relacións interpersoais, entre outras cousas. En definitiva, un recurso didáctico efectivo e atractivo, que non debería faltar en ningún centro educativo.

O alumnado vai ter a oportunidade de acadar e potenciar, a través dunha aprendizaxe práctica, diferentes técnicas vocais, corporais, lingüísticas, literarias e escénicas. No só para as representacións, senón tamén para a vida escolar e social.

A docencia impartirase os martes de 14,45 a 16,15 horas, e nos recreos cando se considere necesario. Debido a alta participación, arredor de 50 alumnos, houbo que facer catro grupos, divididos por idades, que acudirán ás clases cada 15 días.

Están previstas as seguintes funcións:

-   Febreiro ou marzo do 2013, no Teatro Principal de Ourense. Funcións solidarias en beneficio da ONG Meniños.

-       Abril-maio do 2013, na Casa de Cultura de Palas de Rei, dentro da V Mostra de Teatro Escolar.

-       Terceiro trimestre, na Mostra de Teatro organizada polo IES Antón Losada, no Teatro Principal da Estrada.

-       En Idanha A Nova (Portugal); no Teatro Romano de Mérida e en Urueña (Valladolid), funcións enmarcadas nunha viaxe de marcado carácter didáctico.

-       A finais de maio, na VI Mostra de Teatro Escolar de Laxe (TEATRAPA).

-       No Centro da Terceira Idade de Touro.

-       No mes de maio na VII Mostra de Teatro Escolar de Touro.

-       No Festival de fin de curso

A Biblioteca no PLAMBE: A biblioteca, medio de coñecemento activo

A Biblioteca do IES Antón Losada inicia unha nova etapa coa integración da mesma  no Plan de Mellora de Bibliotecas Escolares para o curso 2012/13. Asignáronse un total de 7.300 euros para a transformación da biblioteca nun centro de recursos de lectura, información e aprendizaxe e favorecer as actividades de fomento da lectura e de educación no acceso e uso da información. En concreto, a axuda distribúese da seguinte maneira: 2.000€ para fondos, 2.500€ para equipos, 2.500€ para mobiliario e 300€ para gastos de funcionamento.


A axuda concedeuse de acordo cun Proxecto de Biblioteca Escolar (ver adxunto), titulado: 'A biblioteca, medio de coñecemento activo'. Neste Proxecto detállanse as actuacións previstas para este curso 2012-2013, que inclúen unha importante remodelación do mobiliario e do espazo da biblioteca (ver debuxo) e un conxunto de actividades de animación e fomento da lectura. Para o desenvolvemento do Proxecto constituíuse un Equipo de Profesores que conta co total apoio do Equipo Directivo e do resto do profesorado. 

Presentación do curso 2012/2013

Consulte a data e hora do acto de presentación do novo curso académico para os distintos niveis educativos. ficheiro pdf

Homenaxe a Margarita Lesta

O Venres 22 de Xuño de 2012 o persoal do IES Antón Losada Diéguez de A Estrada fixo unha sinxela e emotiva homenaxe á compañeira Margarita Lesta Fraga, profesora dese centro desde hai 24 anos e tristemente falecida o pasado 25 de Maio.

Ao acto asistiron tamén familiares e amigos da finada e mesmo antiguos alumnos e alumnas que se formaron neste Instituto e que a tiveron de profesora.

Abriu o acto a Directora saudando aos presentes e dando paso a un coro formado por alumnos e alumnas tocaron dúas pezas musicais mentres se prantaba unha árbore e se descubría unha placa co nome de Marga Lesta. A continuación interviron compañeiras e compañeiros que destacaron a enorme humanidade de Marga, e falaron emotivamente sobre a súa persoa que foi admirada e querida por todos e todas os que a coñeceron. Finalizou o acto súa nai Filomena Fraga que agradeceu o cariño que se lle amosaba á súa filla.


Obra de teatro na Estrada

Data: 31 de maio de 2012

Hora: 10:30 a 12:30

Cursos: 1º e 2º ESO

ACTOS CONMEMORATIVOS DO DÍA DAS LETRAS GALEGAS

Data: 24 de maio de 2012

Charla de José Mª Lema (Valentín Paz Andrade e o seu tempo)

 

Data: 29 de maio de 2012

Xurxo Souto (Historia de rock galego)

 

Data: 1 de xuño de 2012

Ángel de la Cruz (Estrea da longametraxe ENRUGAS)

PRESENTACIÓN DA PELÍCULA "VILAMOR"

Data: 25 de abril de 2012

Lugar: Salón de Usos Múltiples do centro

Hora: 11:35 a 12:25

Cursos: 3º ESO, 4º ESO e 1º BACH

2º CONCERTO DIDÁCTICO DO CURSO 2011-12

O martes 27 de marzo de 2012 celebramos durante toda a mañá o 2º Concerto do III ENCONTRO MUSICAL entre o IES "Mestre Landín" de Marín e o noso centro. Participa o alumnado de 3º e 4º da ESO cun programa variado dende o Barroco, música de jazz, coñecidas bandas sonoras, algunha balada...

Charla sobre o laicismo

Enmarcada no ciclo Pensar Politicamente o Presente

Ponente: Manuel Dios Diz

Data: 16 de febreiro de 2012

Hora: 11:35 h.

Cursos: 4º ESO e 1º e 2º de Bacharelato