Segundo a orde do 28 de outubro pola que se regulan os criterios e o procedemento de distribución de máscaras entre o alumnado de educación secundaria obrigatoria en centros docentes públicos no curso 2021/22, o alumnado destinatario:
a) Non ten que presentar solicitude: se é beneficiario de axuda de material escolar no curso 2021/2022.
b) Ten que presentar solicitude: se non é beneficiario da axuda de material escolar no curso 2021-2022 e cumpre algunha das seguintes condicións:
-Pertence a unha familia cunha renda per cápita igual ou inferior a 6000 euros.
-Está matriculado en educación especial.
-Está suxeito a tutela ou garda da Xunta de Galicia.
-Ten un grao de discapacidade igual ou superior ao 65%.
A solicitude unicamente se pode presentar de forma presencial no centro educativo no que estea matriculad@ o alumno ou alumna e estará dispoñible tanto no citado centro como no enderezo do portal educativo.
O prazo para solicitar as máscaras é do 15 ao 26 de novembro de 2021.