Skip to Content

IES Leiras Pulpeiro

Complementarias

Actividades desenvolvidas dentro do horario lectivo habitual e nas instalacións do centro.

Visita de Xosé Neira Vilas

O pasado xoves 16 de abril tivemos a inmensa fortuna de poder contar coa presenza de D. Xosé Neira Vilas, que tivo a xenerosidade de facernos unha visita e charlar co alumnado de Bacharelato.

Os nosos alumnos e alumnas non esquecerán as súas palabras. Tiveron a oportunidade de estar cunha lenda da nosa literatura, que ademais demostrou a súa grande humanidade.

 

Nova en La Voz de Galicia

 

Esta presentación necesita flash para ser visualizada: se está nun dispositivo móbil, soamente algúns navegadores, como Puffin Browser, poderán reproducila. Pode instalalo dende estas ligazóns: dispositivos con iOS / dispositivos con Android

Neira Vilas visitará o IES Leiras Pulpeiro

O vindeiro xoves 16 de abril teremos o pracer de contar coa visita de Don Xosé Neira Vilas, un dos autores máis importantes da nosa literatura e creador das "Memorias dun neno labrego", que pasará un rato falando co noso alumnado. A charla-coloquio co alumnado de bacharelato terá lugar no salón de actos ás 12:00 h.

Día Mundial do Teatro

Co gallo do Día Mundial do Teatro (27 de marzo de 2015) o alumnado de 4º de ESO deleitounos cunha representación teatral da obra “Asi foi, doutor”, de Suso de Toro. Pasamos un rato divertidísimo coas desventuras do pobre Xosé.

Podes ver a presentación de fotos ou visionar o vídeo desta breve e divertida obra.

Biblioleiras: exposición de libros dedicados polos seus autores

Na sala de lectura da nosa Biblioteca temos unha exposición con exemplares de libros dedicados e asinados polos autores e autoras que visitaron o noso centro: Agustín Fernández Paz, Antonio Reigosa, Xesús Alonso Montero, Darío Xohán Cabana, Fernando Lalana, Anxo Fariña, Blanca Álvarez, Marina Mayoral, María Reimóndez, Paco Martín, Joan Manuel Gisbert...

E temos unha sección especial adicada a Xosé Neira Vilas.

 

Preme na imaxe para acceder á información

Excursión fin de etapa 2015

O alumnado de 4º da ESO está realizando durante esta semana unha viaxe a Barcelona na que visitarán diferentes museos e lugares de interés e tamén o parque temático de Port Aventura.

Hoxe están en Tarragona para coñecer o seu legado histórico.

 

Preme na imaxe para acceder ás fotos

O Leiras Pulpeiro co Dr. Ángel Carracedo

O pasado 9 de marzo tivemos a sorte de contar co Dr. Ángel Carracedo, que deu unha charla ao alumnado de Bioloxía e Xeoloxía de 4º de ESO, Ciencias do Mundo Contemporáneo de 1º de Bacharelaro e Bioloxía de 2º de Bacharelato.

Ao igual que aconteceu no curso pasado, o salón de actos estivo en expectante silencio mentres escoitamos a este científico de primeira liña mundial e excelente comunicador, que nos encandilou coas súas explicacións sobre Xenómica e Medicina Forense.

Unha semana despois (o 17 de marzo), o alumnado de 2º de Bacharelato visitou, invitado polo Dr. Ángel Carracedo, as instalacións do Instituto para o Desenvolvemento e a Integración da Sanidade en Santiago de Compostela. Tamén puido visitar a Fundación Pública galega de Medicina Xenómica.

Ao longo da xornada, puido ver in situ como se desenvolve o labor investigador neses laboratorios e falar cos diferentes responsables dos mesmos. Coñeceu de primeira man as técnicas máis punteiras en xenómica e proteómica, entre outras disciplinas, que fan que este sexa un centro de referencia a nivel internacional.

 

Esta presentación necesita flash para ser visualizada: se está nun dispositivo móbil, soamente algúns navegadores, como Puffin Browser, poderán reproducila. Pode instalalo dende estas ligazóns: dispositivos con iOS / dispositivos con Android

Concerto de "Solo Voces" no Leiras

O pasado 3 de marzo tivemos a sorte de contar, un ano máis, coa visita do excelente conxunto vogal "Solo Voces", que nos deleitou cun concerto didáctico no que aprendimos moitísimas cousas sobre a evolución da música ao longo da Historia.

As súas harmonías vogais encheron o salón de actos do Leiras, ao igual que a súa simpatía. Aprendimos moito e, sobre todo, pasámolo moi ben.

 

 

Para acceder a todas a fotos e vídeos, preme aquí.

Eu son Rosalía (Día de Rosalía)

O 24 de febreiro celebramos o Día de Rosalía como unha festa, cun recitado de poemas a cargo do alumnado de 3º de ESO. Despois, bailamos todos xuntos.

Pasámolo moi ben.

 

Ligazón á montaxe de fotos en Biblioleiras

Ligazón ao vídeo en É un falar

BIBLIOTECA: concurso "FEBREIRO, MES DO AMOR"

 

Participa no novo concurso da Biblioteca

Consulta as bases en Biblioleiras.

Entroido 2015 no Leiras

Hoxe caeu en venres e 13, mais non desesperamos e voltamos organizar un ano máis o noso desfile de Entroido....

....e saíunos de medo!!!

 

Esta presentación necesita flash para ser visualizada: se está nun dispositivo móbil, soamente algúns navegadores, como Puffin Browser, poderán reproducila. Pode instalalo dende estas ligazóns: dispositivos con iOS / dispositivos con Android

Distribuir contido


by Dr. Radut